Vienan Karjala

Kirjutukset vienankarjalakse

Muajilma nimeltäh “Kalevala”

Vuotena 2019 juhlitah 170-vuotispäivyä Elias Lönnrotin eeppisen Kalevala-runoelman toisen täyvennetyn versijon ilmeštymiseštä. Šentäh tämä vuosiki on ilmotettu Kalevala-vuuvvekši.

Vuuvven aikana muajilman eri maissa järješšetäh ta valmissetah tällä tapahtumalla omissettuja kaikenmoisie pitoja ta näyttelyjä. A Karjalan tašavallan Taitomusejošša on avattu Muajilma nimeltäh Kalevala -näyttely.

Näyttelyššä tulou esillä erikoini ta arvautukšellini muajilma, mi on luotu Kalevalašša ta Pohjolašša tapahtunuista tapahtumista ta niih ošallistujista henkilöistä. XIX vuosišualta alkuan meijän päivih šuaten še on muanittan luokšeh ta liikuttan luovien ihmisien mielikuvitušta. Taiteilijat, veštäjät, korutaitomuasterit aina kiännytäh tämän teeman puoleh. Karjalan Taitomusejošša vuosien mittah on muovoštun “Kalevalalla” omissettu “kultafondi”, kumpasešša lašetah olovan yli 600 töitä – kotimaisien ta ulkomualaisien taiteilijien luomukšie. Še on muajilman šuurin “Kalevalalla” omissettu kokoelma.

Taitehmusejon näyttelyššä on esitetty tunnettujen taitehmuasterien mualaukšie ta grafiikkatevokšie, kumpasien joukošša on Osmo Borodkin ta Georgi Stronk, Tamara Jufa ta Oleg Juntunen, Nikolai Br’uhanov ta M’ud Mečev, šekä nuorempien nykyajan taiteilijie.

Aivan luonnollisešti näyttely liitytäh Eduard Akulovin lasimualaukšet, Vasili Kostilevin tuohiesinehet, Galina Grigorjevan naiskorut, Nikolai Gaškovin veissoštaulut.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat