Vienan Karjala

Kirjutukset vienankarjalakse

“Yksinäh tädä et rua”

// Kuva: Inna Nippolainen

Tänävuon Karjalan Rahvahan Liiton 30-vuozipäiväle omistetus vuozikerähmös, kudai piettih 19. oraskuudu, vallittih Liiton uuzi piällikkö. Nygöi “aižoi kandau” Kukkoilaspäi rodužin olii liygiläine Aleksandr Jeremejev, kudai kuuluu Karjalan Rahvahan Liittoh jo piäl kahtukymmendy vuottu.

Aleksandr Vasiljevič on ruadanuh 28 vuottu Kanzalliskielizen TV:n da ruadivon toimitukses, vuozinnu 1996-2018 oli  sen piälikönny.  

Toimittajan leivis olluh Aleksandr Vasiljevič on ristin-rästin ajelluh Karjalan, tiedäy karjalazien hyvät da pahat mielet. Tiijustammo Liiton uvvel piäliköl, midä ruaduo rodieu KRL:n lähiaigua.

– Aleksandr Vasiljevič, ongo jo miärätty KRL:n ruado lähiaigua? Ongo šeikuittu jo midätahto projektua? Ku ollou, ga min hyväkse net roitah?

– Tämä vuozi on merkittävy, ku se on kandukanzoin kielien vuozi. Enzimäine projektu, kudamah opimmo suaja kannatustu Karjalan piämiehen fondaspäi, rodieu matku Karjalan piirilöi myöte. Kylis da linnois eläjih rahvahih niškoi piemmö luvendoloi karjalan kieleh da karjalazien kul’tuurah nähte. KRL täytti 30 vuottu tänävuon, kačommo, midä voizimmo luadie tämän merkipäivän kunnivokse, vuozihäi vie ei ole loppevunnuh. Ligakuus rodieu suuri pido Vepsän kul’tursebran da KRL:n 30-vuozipäiväkse, sih vie pidäy valmistuo...  

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat