Vienan Karjala

Kirjutukset vienankarjalakse

Moskovalazet kiinnostutah kieleh

Kniigufestivualih yhtyi 400 julguamuo Ven’an 52 alovehelpäi.

Suureh kniigufestivualih yhtyi 400 julguamo Ven’an eri čuppuloispäi. Tänävuon festivuali piettih 1.-6. kezäkuudu Moskovan Ruskiel lagevol. Karjalan tazavaldua ezitti festivualis Periodika-julguamo.

– Ruskiel lagevol ezitimmö da möimmö “Periodikan” julgavoloi, sanelimmo moskovalazile Karjalan kandurahvahih nähte. Monet kummeksittih, ku on olemas karjalan da vepsän kirjukieli, mielihyväl kuunneltih karjalan kielen murdehis, nygözes tilas. Enimytten ostettih “Karjalazii arbaituksii”, “Sananpolviloi” karjalakse da vepsäkse, “Karjalan rahvahan tytin arbaituksii” da paginsanakniigoi – tahtotah opastuo kieleh. Monet tuldih da löyhkettih, ku heil on karjalazii libo vepsäläzii juurii, toizil on omahistu libo dovariššua Karjalas da hyö mielihyväl mustellah Karjalua, erähäl kodikirjastos on Kalevala-eepossu, toine on ylbei, ku tiedäy Tamara Jufan. Ylen äijän ostettih karjalankielisty poštukartočkua. Rahvahan mieldy kiinnitimmö sil taval, ku arbaitimmo heile karjalazii arbaituksii, meile vastah sežo rahvas arbaitettih omua, sanelou festivualih käynnyh “Periodikan” tyves ruadajan Karjalalazien, vepsäläzien da suomelazien resursukielikeskuksen piällikkö Inna Nippolainen...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat