Vienan Karjala

Kirjutukset vienankarjalakse

Pyhän Miikulan čuvvonluadijan kohtii myöte

Matkan aigua eri kylis Sergii-tuatto lugi litiet niilöile, ket suadih surman Šeremetjevon lendokonehazemal aviaozattomukses. Tuatto pidihgi pruazniekkumolebnat. // Kuva: Ol’ga Kivel’ova

Pappi Sergii Teplouhov joga vuottu pidäy kaksi matkua mašinoil pyhii kohtii myöte. Enzimäine matku on “Pyhän Miikulan kohtii myöte”, sidä pietäh suovattan vaste 22. oraskuudu (Pyhän Miikulan kevätpäivy). Matku menöy Jessoilan da Vieljärven kyläprihodoi myöte, sen piduhus on 110 kilometrii. Toine matku on Jumaldoman kunnivokse. Se pietäh suovattan vaste 6. heinykuudu (Jumaldoman obrazan päivy). Matku Jessoilan pyhii kohtii kierdäy Siämärvie da kestäy 67 kilometrii. Mollembat matkat blahoslovi Petroskoin da Karjalan mitropoliittu Konstantin.   

Pyhän Nikolain kunnivomatku oli jo nelläs tänävuon. Se sai allun Vieljärven kyläs. Paiči paikallizii eläjii pyhäh matkah yhtyi joukko rahvastu Petroskoispäi. Viljärveh petroskoilazet tuldih jo päiviä enne matkua da oldih yödy Kinnermän kyläs. Kylän rahmannoi emändy Nadežda Kalmikova sijoitti gost’at kahteh taloih. Matkan allus piettih liturgii da ristukulgu Pyhän Il’l’an kirikös ymbäri. Ennevahnas Vieljärven kyläs oli Pyhän Miikulan kirikkö, meijän aigassah se ei säilynyh. Yhtelläh kyläs endizelleh pietäh Pyhän Miikulan mustopäiviä. Sluužban pidämizes Sergii-papile autettih paikallizet eläjät. Yksi niilöis, Ivan Aleksejev, lugi Meijän tuatto -malitun livvikse. Ei sua olla sanomattah Pritupien perehes, kudamat kuulutah Vieljärven Pyhän Il’l’an kirikköh. Perehen ižändy on meijän omamualaine Pavel, a hänen akkah Betsi on amierikkalaine. Hyö tuttavuttih Amierikas, sit muutettih Vieljärveh da eletäh karjalazes kyläs jo yheksä vuottu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat