Vienan Karjala

Kirjutukset vienankarjalakse

Ies ollah Muailman Kongressu da Karjalazien Kerähmö

Ielline Muailman kongressu oli Suomes, Lahti-linnas vuvvennu 2016

Suomelas-ugrilazien rahvahien Muailman Kongressu pietäh vuvven peräs Estounies, Tartos. Tietois ollah sen päivät – 17.-19. kezäkuudu 2020. Se rodieu jo kaheksas kongressu, enzimäine piettih vuvvennu 1992 Udmurties. Heimolazien suuriman yhtehizen pivon teemakse miärättih “Kul’tuurine ymbäristö – omaničentundo da kieli”. Suomelas-ugrilazien rahvahien konsul’tatiivine komitiettu on kuččunuh pidoh nellän muan prezidentoi: Ven’an, Estounien, Suomen da Vengrien.

Perindön mugah, Kongresan avajazis jogahizen suomelas-ugrilazen rahvahan edustai sanou tervehtyssanat oman rahvahan puoles. Programmas ollah plenumat da nellän sektsien ruado. Virrallizii pidoloi paiči rodieu pihaprogrammua:  “avvonaine lava”, kudamal suau sanuo omat mielet da ozuttua omua iččie, suomelas-ugrilazien paganoin malittuloin panendu da vie mustu kyly.

Kongresan deleguatoin yhtehine miäry rodieu 215 hengie. Karjalastu deleguattua pidäs olla ei enämbi viittytostu. Reglamentan mugah, niidy vallitah Karjalazien Kerähmös. Pluanoin mugah, se pietäh vuvvel 2020... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat