Vienan Karjala

Kirjutukset vienankarjalakse

Suuri pruazniekku pienes kyläs

Pruazniekal oli äijy lastu. Heidy opastettih ajelemah kvadratsikloil da kižuamah kyykkäh. Oldihgi, kui suuril pruazniekoil, batuutat da magiet vuatat da popkornat. // Kuva: vk.com/club182555457

Kezäkuun 23. päivänny Alavozen čupun Vahnu Keskus -kyläs piettih Enzimäine Kylien ozat -festvuali. Pivon hommai Karjalan Rahvahan Liiton Alavozen ozasto, kudaman piälikkö on Irina Palatina. Pruazniekan kannatettih Karjalan Kanzallizen da alovehellizen poliitiekan ministerstvu da Karjalan Rahvahan Liiton piälikkö Aleksandr Jeremejev. Pidoh kävähtihesgi iče ministru Sergei Kisel’ov.

Hierut eletäh meijän sydämes

Mieli pidiä tädä festivualii joga vuotu vuorokkai Alavozes ymbäri olijois sammujis hieruzis tuli puolitostu kuudu tagaperin. Hierulois salvatah školat da päivykoit, laitokset dai kluubat, muutetah linnoih erähät ristittyöt, toizet jiäjäh omih roindupaikkoih da vai atkalas kurketetah: eigo ole kunne mennä, eigo mil iččie ilaškoittua.

Irina Palatina iče 25 vuottu ruadoi Vahnu Keskus -kylän päivykois, kuduas lapsii opastettih livvin kieleh da kul’tuurah, häi pani hengen ruadoh, tiedäy kaikkii kyläläzii. Konzu päivykodi salvattih, inehmizel pidi opastuo uudeh ammattih – joukkopidoloin ohjuajakse. Häi mielihyväl ottihes tämän festivualin valmistamizeh. Irina libui eččimäh abuu Petroskois da Anukses, kyzyi kannatustu paikallizil biznesmiehil. Tottu sanuo, rahvas ei uskottu, ku suau ilmai pidiä nengoine suuri pruazniekku dai maksaugo pienes hierus pidiä, erähät kieldavuttih avus. Yhtelläh löydyi abuniekkoi. 

“Kylien ozat” fotokuvis

Zavodiimo fotokuvis, avaimmo Kylien ozat -joukon Vkontakte-saitale, kehoitimmo rahvastu yhtymäh Kylien ozat -kilbah. Sih niškoi pidi sijoittua internet-sivule fotokuva, kudamas nävys hierun elostu. Kuvat, kudamat saimmo kilbah aijoilleh, panimmo fotokuvien ozutteluh – niilöi sai kaččuo pruazniekal. Ozuttelu tuli mieldy myöte pruazniekkurahvahal – hyö kačottih, ečittih omii, tuttavii, musteltih, paistih, lähtiettih da uvvessah tuldih kaččomah. Parahile ozanottajile annoimmo lahjakse karjalankielizii hyvittelykortiloi...

A paikannimen maltetah sellittiä hierulazet: tiä oli enne Alavozen souhozan keskus, tiä souhozan alguperä. Festivualis saneltih mieldykiinnittäjii histuorieloi kylän elaigah nähte.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat