“Karjalaini kruuga” pietäh elokuušša Karjalašša

Karjalan tašavallan kanšallisen ta alovehellisen politiikan ministerijö kuččuu tašavallan eläjie ta vierahie ottua ošua Karjalaini kruuga -aktijoh, mi pietäh elokuun 9. päivänä. Kanšainvälisenä kantarahvahien päivänä perintehellistä karjalaista piirileikkie šuau tanššie kuin Petroskoissa, niin ni Karjalan piirilöissä.

Karjalaini kruuga -flash mobin kynnykšellä Ministerijö ilmotti Karjalan kantakanšoilla omissetun tietokilpailun. Šen voittajie palkitah aktijon aikana. Lisyä tietyä flash mobista, ošallistumisen šiäntölöistä ta tietokilpailun kyšymykšistä šuat aktijon VK-sosialiverkon https://vk.com/kruuga2019 -ryhmäššä.

Karjalaini kruuga -flash mobi vietetäh Karjalašša Kanšainvälisen kantakanšojen kielien vuuvven ohjelman rajoissa. Toimenpivon järještäjänä on KT:n kanšallisen ta alovehellisen politiikan ministerijö yheššä Karjalan Rahvahan Liiton kera.

Ošallissu aktijoh! Kannata karjalaista kulttuurie!