Vienan Karjala

Kirjutukset vienankarjalakse

Nuožarvie myöte Alina Gapejevan kel

Alina Gapejeva (oigiel) da “Oman Muan” toimittai Elina Potapova kävelläh Nuožarven rannikkuo myöte. Alinal on hyviä mieldy, ku kyläläzet rahvas pietäh järven rannikkuo pahtahannu. // Kuva: Ol’ga Smotrova, “Oma Mua”

– Minä ylen äijäl suvaičen paista vahnemban polven nuožarveläzienke, hyö saneltah kylän endizii aigoi, sanou Alina.

Alina ruadoi Nuožarven kul’tuurutaloin johtajannu, nygöi on kirjaston hoidajannu, häi pani allun kylän muzeilegi, kudai on kirjaston seinis. Naizen sanoin mugah, Nuožarven kylä tyhjeni da elaigu ylen ruttoh muutui jälgimäzien kahtenkymmenen vuvven aigua. Nuožarven kyläs, kuduah kuuluu moni piendy kylästy, on kirjoil läs nelliäsadua eläjiä. Monet niilöis eletäh toizis kohtis, rahvastu kyläh liženöy vaiku kezän aijakse. Enimät eläjis ollah eläkkeheläzet, rahvas vahnetah –  tervehys pahenou, sendäh lapset otetah heidy iččeh luo linnah.

– Tottu sanuo eläjiä jiäy läs sadua hengie kyläh. Dorogu Sordavalah päi nygöi kierdäy meijän kylän. Kyläs on hil’l’u sendäh, rahvas suvaijah eliä rauhas. Ga on pahuagi puoldu: avtobussoi et tiijä kudamal dorogal vuottua. Siiriči ajajua on ylen vähä, dai laukkoi nygöi ei ole hyödyy pidiä, toinah salbavutah. Školagi tahtotah salvata, opastuugo sie hos kymmene hengie... Lapsii tahtotah vejeltä avtoubusal Vieljärveh, sanelou Alina.

– A kusbo rahvas ruatah?

– A työ enzimäi kyzykkiä, äijygo on ruadoijäs olijua rahvastu. Ruatah školas, kalazavodas, administratsies, ga netgi ruadajat jo ollah eläkkehel, vastai Alina...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat