Vienan Karjala

Kirjutukset vienankarjalakse

Priäžän piiris pietäh Hyvyönluadijoin Kruugat

Vieljärven eläjät da kyläh käyjät gost’at kahten čuasun aigah kerättih piäl kaheksuakymmendy viitty tuhattu rubl’ua kolmeh projektah. Se summu on olluh enämbi planuittuu. Karjalan Kielen Koin zualu oli täčöy täyzi hyvyönluadijoin mieruo. Jen’guvuitit pand // Kuva: Al’ona Lebedeva

 Hyvä mieron vuoh eläy. Konzu iče rahvas tahtotah suaha midätah hyviä aigah, oman eländykohtan kehittämizekse, se terväh stuanivuu. Kezän aigah Priäžäh piiris matkatah muga sanotut Hyvyönluadijoin Kruugat. Hyvyönluadijoinnu ollah iče kylien da pos’olkoin rahvas, kuduat omal jen’guvuitil autetah zeml’akkoi heijän projektoin luajindois. Täkse päiviä Priäžän piirin viijes kyläs on kerätty piäl kolmiesadua viittykymmendy tuhattu rubl’ua viijentostu projektan todevuttamizeh.

Mennyt pyhänpiän Hyvyönluadijoin Kruugu piettih Vieljärven kyläs. Sidä enne se tapahtumu oli Nuožarves, Matrosois, D’essoilas, Priäžäs. Tulien pyhänpiän se pietäh Pyhärves da jälgimäzikse Čalnas. Dielo on ihan uuzi kogo Karjalas, sidä opitah Priäžän piirin Melliččy-fondan nuorien aktivistoin väil. Meineh on lainattu Ven’ah Suures Britaniespäi, anglien kielel se on “Giving Circle” da tarkoittau sidä, ku jen’goi kerätäh “elävälleh” rahvahalpäi, pivon aigah da avvonazesti.

Melliččy-fondan paginanvedäjän, nuoren inehmizen Jekaterina Jefremovan sanoin mugah, parahat meinehet da projektat ollah net, kudamat ehotetah da kehitetäh iče kylis eläjät rahvas. Priäžän piiri on toven kurjattavas tilas kui talohuon puoles, mugai sotsiuallizesti. Sen tovendettih tutkimuksen tulokset, kudaman fondan aktivistat piettih kevättalven aigah Priäžän lohkon kylis... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat