Vienan Karjala

Kirjutukset vienankarjalakse

Jelizaveta Sevander: akt’ouran ammatin ezikuva

Jelizaveta Sevander da Toivo Lankinen kanzallizen teatran laval. Tukkijoella-spektakli, 1946.

Jelizaveta Jalmarovna Sevander (oma sugunimi on Pajunen) rodivui  pakkaskuun 14. päivänny 1919 ruadajien pereheh Amieriekan Massachusetts-štuattah, Peabody-linnah.

Vuvvennu 1932 Jelizaveta vahnembien kel yhtes muutti Nevvostoliittoh, vuvvennu 1937 neidine loppi Karjalan druamutehnikuman.

Jelizavetan tuatto, kui äijät toizet 1930-luvul, otettih kiini da tapettih.

Valdivollizen suomelazen druamuteatran (nygöine Kanzalline teatru) artistujoukkoh neidine otettih vuvvennu 1940. Siberis evakos olles nuori akt’ouru Liisa ezityi tagavoruadajih da Karjalan frontan saldattoih niškoi, händy palkittih medalil Hyväs ruavos Suuren Ižänmuallizen voinan aigua.

Jelizaveta Sevanderan kolliegat musteltih kui hyvin häi ozutti laval spektaklin hengien luonnehtu da tabua. Sevander ezityi Gal’an roulis  Aleksandr Afinogenovan Mašen’ka-spektaklis, Annin roulis Teuvo Pakkalan Tukkijoella-spektaklis.

– Puaksuh  repetitsieloin jälles myö Liisanke yhtes menimmö kodih. Häi kaimai minuu da sit lähti kodih. Silloi Jelizaveta kerdoi minule, kui hyö perehenke tuldih Nevvostoliittoh, kui jygei oli eliä, konzu hänen tuattah otettih kiini. Sih nähte saneli vaiku pihal olles, kerdoi omii mustelmii  Jelizaveta Sevanderan ruadodovariššu, Karjalan arvostettu artistu Jelena Kornilova...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat