Vienan Karjala

Kirjutukset vienankarjalakse

Vastavumine lyydiläzien mual

Vladimir Zaharov kerdoi lyydin kielel Pyhäjärven juuret -liiton ruavos. // Kuva: vk.com/club79741361

Mennyt pyhänpiän Pyhäjärves piettih kanzoinväline konferensii, kuduah tuli gost’ua Suomes, Estounies da Karjalan eri čuppuloispäi. Konferensii omistettih lyydiläzien histouriele, kul’tuurale da niilöin nygyaigazele tilandehele.

Konferensien allus Karjalan tazavallan Kanzallizen da alovehellizen poliitiekan ministerstvan ruadai Jelena Migunova saneli tämän vuvven ministerstvan projektois da pidolois.

– Olgua aktiivizembi, yhtykkiä pidoloih, kirjutakkua projektoi, ku suaha den’goi, kehoitti lyydiläzii Jelena Migunova.

Lyydin kielen tutkii Miikul Pahomov kerdoi lyydiläzien histouries, kieles da kul’tuuras.

Lyydilästy on nelli-viizi tuhattu, ga pagizou omal kielel ei enämbiä 300 hengie. Vie XX-vuozisuan allus lyydilästy oli enämbi 15-20 tuhattu hengie.

– Jälgimäzien tutkimuksien mugah, lyydiläzien alamurdehel paistah Tverin alovehel da Vienanmeren rannikol, sanoi tutkii.

Suuren ruavon lyydiläzih niškoi on ruadanuh Pyhäjärven opiston opastai Mihail Georgijevskii. Vuvvennu 1908 häi kirjutti ven’alas-karjalazen sanakniigan Pyhäjärven murdehel.

Pyhäjärven paikallizen eläjän L’ubov’ Pelevinan sanoin mugah, Mihail Georgijevskoin sanakniigua Pyhäjärves käytetäh nygöigi, toizii lyydin kielen sanakniigoi ei ole.

– Lyydiläzien svuad’bupivot ei erota yhteiskarjalazis svuad’bupidolois, sanoi omas ezitelmäs Kielen, literatuuran da histourien instituutan aspirantu Sergei Minvalejev...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat