Vienan Karjala

Kirjutukset vienankarjalakse

Pruazniekku Ven’an čomevimas kyläs

Kinnermän pruazniekas yhtel aigua sai kaččuo konsertua, luadie midätahto omin käzin ruadopajas libo ostua mustolahjoi. // Kuva: Margarita Kemppainen.

Pravosluavnois mieros 10. elokuudu on Smolenskoin Jumaldoman obrazan päivy. Se päivy on Kinnermän kirikköpruazniekku. Kinnermän kirikkö nostettih XVIII-vuozisual. Enzimäzenny pruazniekan pivonnu oli sluužbu Smolenskoin Jumaldoman obrazan kirikös, ristukulgu kirikös ymbäri, syväimen avuamine, obedn’u, pyhä. Rahvas mielihyväl yhtyttih täh pidoh.

Sit oli konsertu, kuduas sai kuunnella pajoloi karjalan, suomen da ven’an kielil da kaččuo tansiloi.

Meijän pajo -joukko Priäžäspäi pajatti nygyaigazii pajoloi. Karjalan ruutis, pajo-, tansi- da kižakul’tuuras saneltih Kajahuš-ansamblih kuulujat. Artistat pruazniekkah tulluzien kel yhtes kižattih piirileikki-kižoih.

– Tänäpäi on hyvä da vessel kyläpruazniekku. Minä jälgimäi panin piäle oman karjalazen ruutan da kävelin kyliä myöte. Egläi tahtoimmo yhtyö Karjalaine kruugu -flash mobah – ei lykystännyh, a tänäpäi lykysti, sanoi Suojärvespäi pruazniekkah tulluh Jelena Žukevič.

Sinä piän Kinnermäs oli ylen vessel. Kai siä ihastuttigi – oli lämmin da pastoi päiväine.

Pruazniekas oli kaikenmostu iloitustu. Kogo pruazniekkupäivän aloh ruadoi äijy ruadopajua, kudamis sai opastuo karjalazien perindöllizih neroloih – nieglomah yhtel nieglal, punomah tuohes, luadimah perindölline ributytti. Lapset mielihyväl opastuttih luadimah linduloi saves...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat