Vienan Karjala

Kirjutukset vienankarjalakse

Tulougo verkokala unohtua ijäkse?

Minun kaheksakymmennellivuodehine tuatto Nikolai Antonov ijän kaiken pidi verkoloi. Nygöi häi ei malta ellendiä, mindäh juuri hänenmoizii kieltäh suamas. Häi ellendäy siändölöi yksimielizesti: rahvastu ahtistetah da pengotah. // Kuva: Natalja Antonova

Myö, karjalazien yhteskunnallizet organizatsiet emmo tavoita sellittiäkseh suurembis probliemois migu kieli da kul’tuuru. Minä ajattelen muga, ku meil ei tävvy eigo aktiivizien ristittyzien vägie täh, eigo rohkevuttu. Luonnonresursoin käytändy kuuluu enimytteh federuallizeh hallindoh, puuttuo sinne kuunneltavakse on ylen jygei. Yksikai olen sidä mieldy, ku eččie maksau. Liikkumattoman kiven aul vezi ei piäze. Osobi silloi, konzu zakonat alendetah oigien ristikanzan oman arvožuon tunnon, jo pagizemata perindöllizen elaigutavan rikkomistu da kul’tuuran hävittämisty. Karjalazet ammuzis aijois pyvvetäh kalua verkoloil sen verran mi pidäy perehel syödäväkse. Tolkukkahat kalastajat ei rikota järvilöi da jogiloi, eigo oigei kalastandu pienendä kalan miäriä. Valdivol pidäy vai maltua keksie moizet miärävykset, kudamien mugah suas pyydiä syödäväkse da omien tavoin novvettavakse. Kalah harjavunnuot ollah suures huoles, tilandeh vai pahenou.

Kalan suurennu syöjänny, pyydäjänny da karjalazennu aktivistannu tämän kezän aigah kiänyin kuvven organizatsien puoleh. Net oldih Karjalan tazavallan Zakonoinhyväksyndykerähmö, Mua- da kalastustalovuon ministerstvu, Kanzallizen da alovehellizen poliitiekan ministerstvu, Priäžän piirin administratsii, Karjalan Rahvahan Liiton da Karjalazien kerähmön vallittuloin nevvoston paginanvedäjät. Vastavukset täkse aigua sain vain kolmes kohtaspäi: ministerstvois da piirin administratsiespäi. Olen kiitolline šeikkuperäzis kirjazis, kudamat vie kerran tovendetah sen, ku vuvves 2014 algajen tazavallan pohjazen da päivänlaskun puolen kalastustalovuon vezistölöis kalansuandu on rajoitettu. Nämmih vezistölöih kuulutah pošti kai Karjalan viet... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat