Vienan Karjala

Kirjutukset vienankarjalakse

Hyväh lykkyh, Heččulan lapset!

Heččulan školas lapsienpäivykoin lapsih da školaniekkoih niškoi piettih yhtehine pruazniekku. // Kuva: Ol’ga Dubitskaja, “Oma Mua”

Tänävuon Heččulan alguškola-päivykodih tuli opastumah kymmene lastu.

Nelli lastu rubieu käymäh lapsienpäivykodih, nelli – enzimäzeh kluassah da kaksi brihaččuu – kolmandeh kluassah.

Lapset tuldih opastumah kohendettuh, čomah da mielužah taloih. Kezän aigua sponsoroin varoih školah ostettih uvvet pertilomut, sobien pezomašin, sähköplita, hurstit, astiet.

Školas on vaiku yksi opastai – školan johtai Irina Jevsejeva. Inehmine vie opastau lapsii karjalan kieleh. Päivykois on lapsienkazvattai Ksenija Šeina da hänen abuniekku Jelena Goloveškina.

Hyvittelemäh lapsii Tiedoloin päivänke tuli gostii Petroskois da Priäžäspäi – Karjalan tazavallan Kanzallizen da alovehellizen poliitiekan ministru Sergei Kisel’ov, ministerstvan kandurahvahien kannatuksen ozaston piälimäine Jelena Migunova, Priäžän piirin piämiehen virras toimii Jelena Il’ukevič. Vesseldytettih lapsii surnallizet henget – Jaga-buabo da Kikimora. 

– Teijän školas olet rouno ku omas kois, muga voibi olla vaiku pienis školis. Toivotammo teile lykkyy opastundah da hyvii arvosanoi. Myö rubiemmo iellehgi avvuttamah Heččulan školale. Yhtehizet pivot da Karjalan piälinnah käyndät ollah tärgiet pienien školien opastujih niškoi, sanoi Kanzallizen da alovehellizen poliitiekan ministru Sergei Kisel’ov...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat