Vienan Karjala

Kirjutukset vienankarjalakse

Kaikkie, midä on, pidäy kazvattua

Anatolii Kalinnikov da Gennadii Timohov jo kolmattu vuottu kazvatetah vinogruadua omas parniekas. // Kuva: Ol’ga Smotrova, “Oma Mua”

Gennadii Timohovan muapalas Poštan kylän lohkol kazvau enämbi 80 luaduu puudu da tuhjuo.

Vkontakte-saitan sivuloi šelailtes näin kuvan, kus eräs mies ozuttau iččeh kazvatettuu vinogruadua. Se vinogruadu kazvoi parniekas yhtes tomuatoinke. Toizis kuvis samas parniekas nägyi arbuuzu – piäl 14 kiluo. Sidä ekzoutiekkua kazvattau Gennadii Timohov Priäžän piirin Poštan kylän erähäs kooperatiivas.

Minä puašimmos kaččomah, midä vie kazvau miehen ogrodas. Piäzin sih samazeh parniekkah.

– Tämä vinorguadu kazvau täs jo kolmattu vuottu. Sen minule andoi Gennadii Belov Priäžäspäi. Häi kazvattau kaikkie da äijän maltau. Kaksi vinogruadukortu parniekkah istutin, kolme – pihah. Karjalas äijäl kel kazvau vinogruadu, ga, sanommo, minun dovarišat kerras ei uskottu, ku se voibi kazvua da kypsetä, sanelou Gennadii.

Net vinogruadat, kudamat kazvetah pihas, ollah vie vihandat da pienet rouno hernehet, Karjalan keziä niilöile ei tävvy kypsetä. 

Nygöi vinogruadan korret on sivottu, ga talvekse net piästetäh sivoksis da pannah muale, katetah kuuzen oksil, piälpäi lumel. Keviäl kai kattiet otetah iäres, sivukorret voibi leikata iäres, voibi jättiägi.

– Konzu on mahtuo, ostan kaikkie kazvostu, midä minul vie ei ole. Tavan mugah ostanet kolme vezua – yksi vai juurduu. Tänävuon ostin kolme juablokkupuudu, kaksi juurdui, sanou Gennadii.

Gennadien pihas kazvau toiziigi tuhjoloi da puuloi, kudamii aniharvah kazvatetah Karjalas. Manžuurienoriehupuu kazvau jo läs 15 vuottu, oriehat syvyskuun lopus vie ei kypsetty. Jošta – mustučihoin da karvasmuarjan gibriidu. Kazvau oriehutuhjo da barbarissupuu. Balabolkan da kadajan Gennadii toi mečäspäi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat