Vienan Karjala

Kirjutukset vienankarjalakse

Karjalan puuseppien kazvattai

Anatolii Vasiljevič Kalinnikov, hänen akkah L’udmila Mihailovna da Gennadii-vävy // Kuva: Ol’ga Smotrova, “Oma Mua”

Anatolii Kalinnikov on Ven’an ammattiopastuksen kunnivoittu muasteri. Mies nellikymmen vuottu on ruadanuh Petroskoin ammattiopistos n:o 4 da opastannuh puusepän ruadoh Karjalan sadoi brihoi.

Anatolii Vasiljevič Kalinnikovanke tuttavuimmo, konzu käin Poštan kyläh kaččomah erinomastu saduu, kudamas kazvau paiči kukkii da ouveššilöi monii kymmenii tuhjoloi da puuloi. Häi on perehen ižändy, hoidau ogrodua kezäl duačal olles. Yhtelläh joudoaijan ruado ei ole ammatti.

Miehen juuret ollah Ukrainaspäi. Hänen buabo työttih Voulogdan alovehele kuadamah koskemattomua meččiä. Anatolii Kalinnikov rodivui vuvvennu 1938 Meždurečenskoin piirin 32:s kilometris. Voinan jälles Anatolien vahnembat muutettih Ukrainah. Sie briha loppi seiččie kluassua da piäzi opastumah Nikolajevan linnan neroniekoin opistoh n:o 2. Opastuksen jälles nuori puuseppy työttih ruadoh laivuzavodal. Briha pyzyi vai puoli vuottu vierahas linnas, sit kiändyi järilleh Voulogdan alovehele, kus eli hänen muamah. Sluužbah händy työttih Petroskoih. Siegi löydyi oza – armas mučoi da mieliruado. Sluužban da naimizen välis mies ehti opastuo Minskan industriallizes pedagouguopistos. Vuvvennu 1972 Anatolii työttih ruadoh Afrikkah, kolme ruadovuottu vierahal mual ijäkse jiädih mustoh.

 

Afrikan kämmen ei ole lämmin

– Minä olin enzimäine, kedä työttih Afrikkah ruadoh. Net muat oldih Fransien vallas da vaste suadih vällyön silloi. Minä piäzin Malin tazavallan Bamako-linnah. Sinne nostettih ammattikeskus, kui opastettih paikallizii eläjii eri ammattiloih. Minä valmistin yhten joukon, tostu en ehtinyh loppussah opastua. Joukos opastui 21 hengie, loppututkindoloissah piäzi vaiku yheksä hengie. Heil on moine opastustaba, ku joga attestatsiel kenellienne pidi mennä iäres. Heil korgevin arvosana on 20. I tavannu oli arvotua muga, ku 20 ballah tiedäy vaiku Allah, hyvä opastai tiedäy 19 ballah, a paras opastui – 15 ballah, sanelou Anatolii Vasiljevič.

Nuori opastai Anatolii Kalinnikov ruadoi kiändäjän kel. Se oli nuori tyttö Moskovaspäi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat