Vienan Karjala

Kirjutukset vienankarjalakse

Kindahan kummii nygöi internetas

Varata ekskursii uvven vuvven loman aijakse voibi jo tänäpäi.

Kindahat-projektu ruadau jo enämbi vuottu. Nygöi projektal on oma internetsivu Vkontakte-saital da oma saitu.

Kindahat-projektu pandih rattahile mennyt vuon kezäl. Silloi kaksi Priäžäs eläjiä nastu – Svetlana Hrebtova da Julija Tolmačova – piätettih, ku pidäy pidiä ekskursieloi Kindahan kyliä myöte.

Lugie heijän ekskursieloih nähte, tiijustua kylän histouriedu, kaččuo fotokuvii, lugie uudizii da zuakkunoi voibi internetas adresil kindasovo.nubex.ru da Vkontakte-saital adresil vk.com/kindahat.

Kindahat-projektah kuulujat kävväh eriluaduzih pruazniekkoih ezittämäh Kindahan kyliä, zuakkunoi da karjalastu kul’tuurua ei vaiku Karjalan tazavaldah, ga Ven’an toizihgi čuppuloih. “Kindahat” oldih Kazanis, Nižnii Novgorodas, Voulogdas, Arhangelin da Tverin alovehil da toizis kohtis. Nämmih matkoih nähte voibi lugie projektan saital.

Kindahat-projektan saital on kirjutettu muga: “Tiä suatto kaččuo karjalan mečän čomuttu, hengittiä pedäjikön ilmal, kävellä kylän pihoi myöte, kuunnella kandelehen da jouhikon iänii. Kindahan kyläs teidy vuottau ekskursii karjalan kylän myöte, tuttavumine Karjalan muuzikkukul’tuurah, Kummakas-kižaprogrammu, čuajuu karjalazien piirualoinke, ennevahnallizen karjalazen tönčöi-jälgisyömizen koittelemine”. Nämmien sanoin jälles kerras himoittau kävvä Kindahan kyläh ekskursieh.

“Interaktiivine programmu karjalan juumoran piälinnas – Kindahan kyläs – jäi mustoh hätkekse. Sie ollah rahvas, kuduat tottu tahtotah elvyttiä kylä. Hyö ruatah syväinkäskys. Vie meidy syötettih magiel murginal”, kirjutti internetas eräs Valgoven’al eläi inehmine, kudai matkusti Karjalua myöte.

Enzimäzet zuakkunat kindahalazih niškoi ollah tallendetut XIX-vuozisual. Tundiettu matkailii Nikolai Leskov kirjutti omas matkas Karjalah vuvvennu 1892: “Pyhärveh ajajes minä piätin kävähtiäkseh pieneh Kindahan kyläh. Mindählienne Kindahan kylän eläjien piäl nagretah rinnal olijoin kylien eläjät; heih nähte keksitäh anekdottoi, kuduat mustoitetah pošehonoin kerdomuksii…”...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat