Vienan Karjala

Kirjutukset vienankarjalakse

Minä ehtinyh en omua sygyzyy loppie

Kirjuttajan Vladimir Brendojevan da karjalan kielen tutkijan Grigorii Makarovan mustokse heijän roindumuale Sammatuksen kyläh azetetah tiedopaččahat. // Kuva: Kuva on otettu: vk.com/club66004303

Tänävuon Täs synnyinrannan minun algu -festivualin hantuzis piettih tiedokonferensii. Pidämäh paginua yhtyi rahvastu Anuksen piiris, Petroskois da Leningruadan alovehelpäi.

Syvyskuun 6. päivänny Anuksen Kanzallizeh muzeih avavui Vladimir Brendojevale omistettu Minä ehtinyh en omua sygyzyy loppie -ozuttelu. Ozuttelun nimekse on pandu jälgimäine kirjutus Brendojevan runotetratis. Ozuttelus voibi kaččuo Brendojevan arhiivan dokumentoi, fotokuvii da eri veššilöi. Ozutteluzualas kuului Vladimir Brendojevan runoloi da rahvahan mustelmii kirjuttajah nähte. GTRK-Karelijan luajitus da videokassietale kirjutetus fil’mas Brendojevah nähte pagizi hänen akkah Marija Nikolajevna da omamualazet rahvas. Äijät rahvas tiijustettih Brendojevan ihan toizes puoles – tyttölöin suvaittavu mandaliinal soittai, nerokas bondari da šuutkakas merimies tahtoi roita Karjalan Puškinakse. Ozutteln valmistai L’udmila Tuttureva sanelou kai karjalakse. Ozuttelu rubieu ruadamah vie kaksi kuudu, se rodieu mieldy myöte lapsilegi. Kuulužu Sammatuksen poigu kirjutti äijän runuo lapsih niškoi.
Konferensien avattih Kanzallizen da alovehellizen poliitiekan ministru Sergei Kisel’ov da Anuksen piirin administratsien piälikkö Sergei Prokopjev. Muuzikkuškolan suurele lavale käskiettih tundiettu kirjuttai da kiändäi Zinaida Dubinina. Hänel omistettih Anuksenlinnan kunnivoittu eläi -arvonimi. Zinaida Timofejevna on ylen äijän ruadanuh karjalan kielen da kul’tuuran kehittämizekse.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat