Vienan Karjala

Kirjutukset vienankarjalakse

Kyläs ku eletäh luaduh, on himo i ruadoh

Margarita Pritčijeva ylen äijäl suvaiččou luonduo da puaksuh kävyy meččäh. // Kuva: Elina Potapova, “Oma Mua”

Margarita Pritčijevanke myö tuttavuimmo Koverin kyläs Kirvehen pruazniekan aigua elokuus. Naine piäl 30 vuottu eläy Koveris da ruadau sie feršalinnu. Margarita kerdoi meile omas elaijas Koveris da sit, midä mieldykiinnittäjiä on kyläs. 

Margarita rodivui Martinovien pereheh vuvvennu 1965 Anuksen lohkon Niiniselgäh. Hänen muamah ruadoi lypsäjänny, tuattua naine ei musta, mies sai surman ruavos. Muaman da vellenke Margarita eli Niiniselläs školah lähtendässäh, sit pereh muuttui muaman roindukyläh Huškalah. Neidine opastui Nurmoilas, kus eli internuatas, jälgimäzet kluasat loppi Anukses. Školan jälles häi lähti Petroskoih opastumah feršalikse. 

Feršalin leivis

Mediekkukolledžan loppiettuu enzimäzen vuvven Margarita ruadoi Huškalas, toizen vuvven Ust’as. A sit muutti Koverih, kus ruadau nygöigi. Kaikkiedah feršalinnu naine on ruadanuh jo 33 vuottu. Omua ruaduo Margarita suvaiččou, hos se on vaigei.

– Enne ruadua oli ylen jygei, rahvastu kyläs oli enämbi, omat pienet lapset kois (Margarital on kaksi tytärdy – toim.). Vuodessah 2007 ruavoin yhtes Galina Tarasenkovan kel, sit – yksinäh. Enne meile pidi ainos yöt da päivät viizovoih juoksendella jallai. Ga myö harjavuimmo. Nygöi ruan vaiku päivil, ruavon jälles voin lähtie kunnetahto, viizovoih ajelou kiirehelline abu. Ei ammui annettih ruadosumkan, min vuottu ruan, a ei olluh daže sumkua, kerdou Margarita Mihailovna.

Koveris eläy läs nelliäsadua hengie, feršali palvelougi Koverin kyläh kuulujii hieruloigi, sanommo, Tihverii, Huškalua, Lemijärvie da Sändämiä. Ruavon aigua karjalazienke Margarita pagizou karjalakse, ruavahien kel muga on kebjiembi paista...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat