Vienan Karjala

Kirjutukset vienankarjalakse

Omal rannal omah kieleh paista

Jogahine kursuniekku sai avajazien aigua opastuskniigan, sanakniigan da tetratin. // Kuva: Elina Potapova, “Oma Mua”

Ligakuun 1. päivänny Petroskois Karjalan rahvahan luomisruavon da kul’tuuruinitsiatiivoin keskukses piettih karjalan kielen kursoin avajazet.

Kursat pietäh Karjalan Rahvahan Liiton kannatuksel.

Urokoin aigua  rahvastu opastetah pagizemah, kirjuttamah da lugemah karjalan kielen livvin libo vienan murdehel. Enzimäine opastunduvuozi on ilmaine. Tänävuon karjalua algau opastuo piäl 20 hengie. Heidy opastetah Petroskoin valdivonyliopiston opastai Anastasija Afanasjeva (livvin murreh) da Baltiekkumeren filolougien ozaston nelländen vuozikursan opastui Anastasija Jungina. On karjalan kielen jatkokursugi. Toizen vuozikursan opastujile karjalua ruvetah opastamah Tatjana Baranova, Svetlana Kondratjeva da Anastasija Jungina.

Tavan mugah kursoi pietäh kerran nedälis Suomelas-ugrilazien školas. Opastujile jo annettih ilmai karjalan kielen opastuskniigat da sanakniigat. Karjalan Rahvahan Liitto lahjoittigi opastujile tetratit da kirjuttimet.

– Tärgevin kielen opastumizes on himo. Ku ristityl on himuo da motivatsii, hänel rodieu kebjei opastuo. Meijän opastajat ruatah kaikkie, ku opastuo karjalan kieleh olis mieldy myö, saneli Karjalan Rahvahan Liiton piälikkö Aleksandr Jeremejev...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat