Vienan Karjala

Kirjutukset vienankarjalakse

Sammatuksen poigien kunnivokse

Anuksen piirin Sammatuksen kyläh azetettih mustomerki karjalazele kirjuttajale Vladimir Brendojevale da tiedomiehele-filoulogale Grigorii Makarovale. Tiijot on kirjutettu karjalan da ven’an kielel.

Sammatus on Vladimir Brendojevan roindukylä. Runoilijan tevokset livvin murdehel on korgiesti arvostettu, hänen runolois tunduu oman rannan, oman kielen suvaičustu. Joga vuottu Anuksen kanzallizes piiris pietäh Vladimir Brendojevale omistettu Täs synnynrannan minun algu -literatuuran festivuali. Festivuali yhtistäy niidy, kedä kiinnostuttau karjalazien kul’tuuru da niidy, ket ruatah kanzallizen literatuuran kehittämizekse.

Grigorii Makarov on sežo Sammatuksen kylän poigu. Mies luadi karjalan kielen sanakniigan, kuduas, voibi sanuo, rodih karjalazien elaijan tiedosanakniigu. Grigorii Makarav keräigi sananpolviloi. Net piästih ilmoih kniigoinnu eri vuozinnu, vieras kniigu piäzi ilmah tänävuon Karjalan Kanzallizen da alovehellizen poliitiekan ministerstvan kannatuksel.

Mustomerkin azetettih Anuksen karjalazet -liitto da Sammatuksen eläjät Karjalan Kanzallizen da alovehellizen poliitiekan ministerstvan den’gukannatuksel.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat