Vienan Karjala

Kirjutukset vienankarjalakse

Käygiä joudaval Veškelykseh

Täl kerdua Lev Vorobjov ei lugenuh omii runoloi, vai lugi arhangel’skalazen kirjuttajan Anna Oparinan runoloi. Lev Petrovič sanou, ku juuri hänen runot parembi toizii ozutetah hänen tundoloi // Kuva: L’ubov’ Prisoškova

Tänävuon on kumman čoma talvi – pakkaine purou, paiväine pastau, kai puut ollah lumes.

Veškelys-etnokul’tuurizes keskukseshäi on ainos lämmin. Se ottau vastah gostii Karjalan eri čuppuloispäi, a Omamualazet-kluubu da Oma tulehmo -liitto mielihyväl kučutah gostii omih pidoloih.

Tuandoi keskuses järjestettih Ei ole vie ehty…-pido.  Se tavan mugah algavui runohuos. Runoloi lugiettih Lev Vorobjov da L’udmila Ivanova. Hyö mollei vallittih runot vahnembih da bunukkoih nähte. L’udmila Ivanovna lugi Naistenjärven kylän kirjuttajan Ol’ga Van’kovičan runon “Vspominaja mamu” (“Muamua mustelles”). Runuo lugijes L’udmila mustelou omua Meččilän kyliä da omua muamua, kudai, pahakse mieldy, jo ei vuota händy.

Kuun vuozipäivyniekannu täl kerdua oli L’udmila Al’okina, kudai ruadoi päivykois lapsien kazvattajannu. Ruadodovarišat lapsien rouliloin hyviteltih händy merkipäivänke. Zinaida Lebedevan joukko pajatettih naizele Detstvo (Lapsusaigu) -pajon.

Ilomielel rahvas kačottih piendy ezitelmiä “Tuk-tuk-tuk”, se on buabas, kudai eččiy ruaduo ruadovirraston kauti. Jelena Juppijeva virguniekan roulis da Valentina Popova čoman ijäkkähän naizen roulis ozutettih, kui jygei on tänäpäi nuorel eläkkeheläzel löydiä ruaduo...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat