Vienan Karjala

Kirjutukset vienankarjalakse

“Muamankielen hyväkse ei ole žiäli ni vägie, ni aigua”

Marija Tarasova on ainos kiirehes, heil on äijy hommua da ruaduo. // Kuva: Elina Potapova, “Oma Mua”

Anuksenlinnan eläi Marija Tarasova on oman kielen suvaiččii. Läs kolmiekymmendy vuottu naine opasti lapsii karjalan kieleh školas, nygöi opastau omua kieldy kursiloil ruavahile ristikanzoile. Pakkaskuun 28. päivänny Marija Ivanovnale on täydynyh 70 vuottu.

Marija Tarasova on rodivunnuh vuvvennu 1949 Anuksen piirin Pieni selgy -kyläh. Perehes oli kaheksa lastu, ga puolet kuoltih. Marijan muamo ruadoi kolhouzas, hänel ei olluh nimittustu opastustu – ei maltanuh lugie, eigo kirjuttua. Tuatto ruadoi traktoristannu kolhouzas. Suuren Ižänmuallizen voinan voitonpäiviä mies pidi Vengries. Kodih tulduu häi jo ei voinnuh ruadua putilleh, sendäh ku oli ruanittu jalgah voinan aigua.

Algukluasat Marija loppi oman kylän školas, dostalit – Kuittizes. Školan loppiettuu naine piäzi opastumah Petroskoin Pedagougizeh opistoh da hänes rodih algukluasoin opastai.

Opastajen lapsii

Opiston loppiettuu vuvvennu 1968 naine piäzi ruadamah školah Anuksen piirin Vas’s’oin kyläh.

– Silloi školis vaste ruvettih opastamah lapsii uuttu opastusprogrammua myöte. Enzimäi oli vaigei, ga yksikai se ruado oli minule mieldy myö. Ruavon jälles minä ainos kävyin erilazih kerholoih, kuduat piettih pakallizes kul’tuurutalois, kerdoi Marija Tarasova...

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat