Vienan Karjala

Kirjutukset vienankarjalakse

Pitkiä pietostu hiiri ei syönnyh

Grigorii Makarov puaksuh kävyi Tverin Karjalah pagizuttamah karjalazii.

Pakkaskuun 23. päivänny täydyi 101 vuottu karjalan kielen tutkijan, folklouran keriäjän Grigorii Makarovan roindupäiväs.

Mustamah karjalastu miesty Karjalazien, vepsäläzien da suomelazien resursukielikeskukseh Periodika-julguamoh kerdyi hänen ruadodovariššua, opastujua da omahistu. Vastavuksen hommattih Grigorii Makarovan keskimäine poigu Viktor Makarov da Periodika-julguamo.

Grigorii Makarov rodivui vuvvennu 1918 Anuksen čupun Piippilän kyläh. Niken ei voinnuh tiediä, mittuman panoksen Karjalan poigu luadiu oman rahvahan da kielen hyväkse kazvahuu. Kaikis tärgevin Makarovan kirjutettu ruado on suuri karjalan kielen sanakirju, kuduah kuuluu läs 20 tuhattu sanua.

Grigorii Makarov on ristin-rästin kierdänyh Karjalan da Tverin Karjalan muat, on kirjutannuh rahvahis monii sadoi sananpolviloi, arbaituksii, pani tallele pajoloi da itkuvirzilöi.

Pivos Grigorii Makarovan kunnivokse rahvas kačottih vuvvennu 2008 luajitun Karjalan TV:n toimittajan Ol’ga Ognevan fil’man “Mies lähtöy – jälgi jiäy”. Se ylen hyvin kuvuau Grigorii Makarovan elaigua da ruaduo, sanelou miehen suures urhotevos...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat