Vienan Karjala

Kirjutukset vienankarjalakse

“Vallita oma tie ozakse, rauhakse”

Sudalan kyläh rodivunnuh Galina Fedulova kazvatti kaksi tytärdy da nygöi huolehtiu kuuzi bunukkua. // Kuva: Ol’ga Dubitskaja, “Oma Mua”

Pakkaskuun 23. päivänny pidi omassah vuozipäivan karjalaine naine, Anuksen kirjaston ruadai Galina Mihailovna Fedulova.

Ruado kirjastos on mieldy myöte

Galina Mihailovna Fedulova ruadau kirjastos vuvves 1978 algajen. Häi puutui kirjaston ruadoh nuorennu neidizennu Karjalan kul’tuuruopistos opastundan loppiettuu.

– Minä ainos suvaičin lugie, enimyölleh kniigoi, kuduat kerrotah elaijas kylis. Minun ies oli hyvä ezimerki – Jyrgilän kirjaston ruadai Jevgenija F’odorovna Ivanova, kudai tiezi kniigois kaiken, ainos nevvoi hyvii kniigoi. Sendäh minä lähtin opastumah bibliotiekkarikse. Minä duumaičin, ku kirjaston ruadajal on äijy aigua lugie kniigoi, kerdoi Galina Fedulova.

Naine jo enämbän 40 vuottu ruadau kirjastos: ruadoi kirjaston abonemental, oli lapsien kirjaston da virrastoloinkeskizen kirjaston sistieman metodistannu. Nygöi Galina Mihailovna on kanzallizen da kodialovehen literatuuran ozaston piälikönny.

– Konzu minä ruavoin abonemental, tuttavuin äijih hyvih ristikanzoih. Heijän joukos ollah Viktor Bogdanov, Andrei Manin, Irina Semakova, Jelena Bogdanova, L’udmila Markianova. Juuri silloi tuttavuin Anuksen kirjuniekan Vladimir Brendojevah. Ylen äijäl kummastuin, konzu tiijustin hänes, ku karjalakse voibi kirjuttua, sanoi Galina Fedulova...

 

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat