Vienan Karjala

Kirjutukset vienankarjalakse

Karjalazien IX Kerähmö pietäh Anukses kevätkuul

Karjalan tazavallan karjalazien IX Kerähmön vallittuloin nevvosto varustuu vuoronmugazen Kerähmön piendäh. Ollah tietos päivät – 14-15. kevätkuudu 2020. Kerähmö pietäh Anuksen piiris. Piäpiendykohtannu rodieu Anuksen linnu. Tämä ei ole mennyön vuvvennu 2016 Petroskois da Veškelykses pietyn Kerähmön piätöksen mugah, kus piendykohtakse hyväksyttih Kostamuksen linnu. Poikkevukselline välipiätös oli luajittu jo kevättalven aigah. Anuksen čupul piendy kačotah äijiä huogembazekse tazavallan b’udžietan čotas. Elot karjalazien suurimah kerran nelläs vuvves kestäjäh pidoh annetah Kanzallizen da alovehellizen poliitiekan ministerstvan kauti. Sinnegi ollah suamas Kerähmön varustanduruadojoukkuo.

Kerähmön nevvoston oma ruadojoukkoine, kudamah kuulutah mennyöl Kerähmöl vallitut rahvas, kerävyi mennyöl nedälil Petroskoih. Aktivistoil on tärgei panna pivon päivylistal heijän mieles aijankohtazet aziet. Kačotah azuo plenum da Kerähmön kolme ozastuo, kus paginal otetah karjalazien nygözet parembat dai valehembat puolet, suavutukset da toivomukset. Paistah sotsiualizes da ekonoumiellizes tilas, kielitilas da kul’tuurualas. Erikseh rodieu media- da internettuozasto, paginale oletatah ilmaston muutandan vaikuttamizen karjalazih. Nevvoston piälimäzen Tatjana Klejerovan sanoin mugah, Kerähmö pidäy suaha nengozennu, ku paikanpiäl oldas Karjalan virguniekat.

 

Midä minä, karjalaine, sanozin tänäpäi kaikkien kuulten? 

Muite muis olijannu kohtannu kačotah pidiä čuasun piduine karjalankieline on-line paneelipagin nimel “Midä minä, karjalaine, sanozin tänäpäi?” Se olis uuzi dielo kerähmölöin piendyhistouries. Paneeli pietäh kerähmön tossu piän enne rezol’utsien hyväksyndiä. Sidä suadas kuulta kai kerähmön rahvas. Paginah yhtyttäs kerähmön ozastoloin vedäjät, kuduat maltetah karjalan kieldy – nelli hengie... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat