Vienan Karjala

Kirjutukset vienankarjalakse

Vähän päiväs, äijän vuvves

Tatjana Jelisejeva hommuau Azetu, hetki -projektua. Nuožarven henget -kuvakniigu on jo valmis. // Kuva: Elina Potapova, “Oma Mua”

Hyvyönluadijoin kruugu -aktsien pani rattahile Melliččy-fondu, tädä aktsiedy pietäh Karjalan eri kylis. Heinykuus kruugu piettih Nuožarves, vastavukses paikallizet eläjät kannatettih kolme projektua. Projektat “Azetu, hetki”, “Puhtas randu” da “Kaivoloin kohendamine” nuožarveläzet todevutetah ligakuun loppussah.

Azetu, hetki -projektan hantuzis luajitah viizi Nuožarvele da sen eläjile omistettuu fotokuvakniigua: “Kylä, kus myö elämmö”, “Pruazniekat”, “Koivuine-folklourujoukko”, “Nuožarven henget” da “Net käit ei igävöijä”. Jälgimäzekse mainitus saneltah nuožarveläzis neroniekois. Jogahizes al’boumas rodieu läs 50 eri aigoih lujittuu fotokuvua.

– Meijän kyläl on oma internet-sivu sotsiuallizes verkos. Sinne on kerdynyh ylen äijy fotokuvua, sendäh meile tuli mieleh luadie fotoal’bomat, kudamii voijah kaččuo netgi, ket ei käytä internettua. Rahvas kannatettih idein da annettih den’gua projektah niškoi. Valmistetut fotokuvakniigat voibi kaččuo Kul’tuurutalois, kerdoi Nuožarven eläi, školan endine opastai Tatjana Jelisejeva... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat