Vienan Karjala

Kirjutukset vienankarjalakse

Etnini muajilma valokuvissa

Koštamukšešša EtnoMuajilma nuorison šilmin -valokuvanäyttelyn avajaisih keräyty eri kanšalaisjärještöjen etuštajie. // Kuva: Valerija Popova

Projektin tarkotukšena on lujentua kanšallisukšien välistä šopuo Karjalašša, propagoija Venäjän kanšojen perintehellistä kanšallista kulttuurie Karjalan nuorison kešen.

Šuuri projekti starttasi oraškuun 17. päivänä Sortavalan kirjaštošša. Šielä piettih issunto, kumpasešša käsiteltih kanšallisukšien välisen yhteistyön kehittämistä, omaperäsen kulttuurin šäilyttämistä ta puoluštamista, Venäjän kanšojen perintehie.

Šiitä kešäkuun alušša Pr’alka-kanšalaisjärještö ilmotti EtnoMuajilma nuorison šilmin -valokuvakilpailun. Šiih otettih ošua 18–35-vuotiset valokuvuajat. Valokuvie oli työnnetty hyvin äijän. Kaikki ne oltih kaunehie, kirkkahie ta mukavie. Šyyškuušta alkuan parahie töitä esitettih kiertäväššä näyttelyššä Sortavalan, Lahenpohjan, Pitkärannan kirjaštoissa.

Šajekuun 24. päivänä Koštamukšešša juhlallisešti avattih EtnoMuajilma nuorison šilmin -valokuvanäyttely šekä ilmotettih voittajien nimet. Rahvahanperintehet-nominatijošša voitti vieljärviläisen Irina Čakkojevan Neiččysien illačču karjalaisittain -kuva. Muotokuva-nominatijošša voitti Mihail Smirnovin Jälelläh nuoruoh -kuva. A Valokuvarekonstruktijo-nominatijošša voitti koštamukšelaisen Anita Gundarevan Ristiniemi-kuva, min hiän luati I.K. Inhan kuvan mukah. Kilpailun voittajat palkittih diplomiloilla ta lahjoilla.

Šamana päivänä piettih šuuren projektin lopputilaisuš – Otkritaja dver’ InterVzaimodeistviju -issunto. Šiinä vejettih projektin lopputulokšet ta paistih iellisistä šuunnitelmista.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat