Vienan Karjala

Kirjutukset vienankarjalakse

Suaha lämmitys Munjärvenlahten kul’tuurukodih

Munjärvenlahten kul'tuurukodi on nostettu enämbi 60 vuottu tagaperin. // Kuva: Tatjana Anikina.

Ulguopäi Munjärvenlahten kul’tuurukodi on hyvä da čoma kaččuo. Et sano, ku taloi on nostettu enämbi 60 vuottu tagaperin. Kodi on aiga suuri, moizii nostettih nevvostoaigah, konzu kylis, semmite piirikeskuksis eli äijy rahvastu. Tiä on uuzi raudulevo, seinät on piällystetty raudusaidingal. Remontu piettih vuozinnu 2016-2017 Karjalan paikallizien alguhpanoloin kannatusprogramman avul. Ga sydämes on ylen vilu. Jo 15 vuottu taloidu ei lämmitetä.

– Tiä ainos on vilu, rahvas voidas tulla, ga sanotah: teijän viluh emmo tahto mennä. Mugai on. Kuuzi gruadussii on ezizualas. Täs myö opimmo lämmittiä sähkölämmittimil. Ga niil äijiä et lämmitä, vai sammutat, kerras rodieu vilu. Dai sähkölangat ei kestetä, ku ruvennet ainos ruatuttamah lämmittimii, kerdou Munjärvenlahten kirjaston ruadai Tatjana Anikina.

Kul’tuurukois on vai yksi ainavo ei suuri perti, kunne voibi kuččuo rahvastu. Tänne kerävytäh lapsienkerhot, käziruadokerho da naizien kluubu, tiä pajattau Petrovskoi hora, se on vahnimii Karjalas, tiä on horan muzeigi. Suurih pidoloih niškoi tämä perti on ahtas. Niidy vois pidiä ezizualas, semmite se kohendettih tänä kezän paikallizien alguhpanoloin kannatusprogramman avul, ga nenga suurdu tilua ei sua lämmittiä putilleh. Ylen vilu on kirjastosgi. Lapset vallitah kniigoi sovissah, hos sähkölämmittimet ruatah kogo aijan.

– Myö ainos vuotammo, ku kluubas roih hyvä da lämmin. Se on suurin hädä meil. Pidäy ku kluubas olis lämmin, sanou Tatjana Anikina...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat