Vienan Karjala

Kirjutukset vienankarjalakse

Jiäjä hengeh

P’otr Arhipov omas kois. Miehen käis on hänen löytty pystin-veičči. // Kuva: Alina Gapejeva

P’otr Il’jič Arhipov on rodivunnuh Nuožarveh. Tänävuon hänel täydyi 83 vuottu. Nygyaigassah mies mustelou omua jygiedu lapsusaigua: tuatan repressiedy, voinua, nälgiä da miinan räjähtysty, kuduan periä häi menetti käin. Nygöigi miehele pidäy puolistua omua iččie.

Juuret

P’otr Il’jič algai kerdomuksen omis ezi-ižis, kuduat muinazis aijois elettih Nuožarves. Buaban sanoin mugah, pieni Pet’a tiezi, ku enne vallankumovustu hänen ezi-ižät elettih suures kaksikerroksizes talois. Sie eli 27 hengie: t’outat, died’oit, ruavahat da lapset. Jogahizel kois oli omua hommua: buabo keitti liendy da kačoi lapsii, miehet piettih laukkua, kus myödih kaikenmoizii tavaroi, sanommo, niegloi, langoi da nyblii. Laukku seizoi koin rinnal järven rannal Pirdoiniemel. Tavaroi laukkah tuodih Petroskois da Piiterispäi. Laukkua piettih sendäh, ku perehel oli ylen pieni muapala ogrodoih niškoi. Perehty ei pietty elokkahannu, laukku muite syötti heidy. Nevvostovallan tulduu Arhipovien suuren perehen rahvas ruvettih lähtemäh iäres omas koispäi eččimäh parembua ozua.

Hädä yksinäh ei tule

Vuozinnu 1930-1940 Ven’an rahvastu repressiiruittih. Repressielöin valdah puutuigi umbikarjalazen Nuožarven kylän rahvastu. Yöl kyläh tuli mustu mašin. Se tarkoitti, ku kedälienne viäritetäh špionindas, pahan luajindas libo toizes oigevuonrikondas. Viäritetyt rahvas suadih ylen kovat kuritukset. Arhipovien pereheh hädä tuli vuottamattah. Sie, kus ruadoi perehen ižändy rodih tulipalo, kudai polti erähän tulipalo-ozaston laitoksen. Pienele Pet’ale oli vaiku nelli vuottu, konzu tuattua-tulipalomiesty sanottih “rahvahan vihaniekakse”. Tämä viäritys ijäkse tartui omahizih: died’oih, buabah, muamah da Pet’an kahteh sizäreh. Terväh tuli toine hädä...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat