Vienan Karjala

Kirjutukset vienankarjalakse

Uuzi vastavus Karjalan mual

Resursukielikeskukses nuoret ozutettih omua kielineruo da kul’tuurutiedoloi kižates da kilbailtes // Kuva: Natalja Denisova

 

Etnokul’tuurine luageri piettih 5.-9. kylmykuudu. Tavan mugah lapsih niškoi valmistettih hyvä kul’tuuru- da opastusprogrammu. Luagerin aigua školaniekat äijän tiijustettih karjalazien, vepsäläzien da suomelazien perindölöis da suadih kielineruo, käydih erilazih muzeiloih da kul’tuurulaitoksih, ajeltihgi ekskursieh Kindahan kyläh. Nuoret tuttavuttih Toive-ansamblin da Kantele-taloin artistoih. Periodika-julguamos lapset tiijustettih, mittumii julgavoloi piäzöy ilmah kanzallizil kielil, kui ruatah lehtimiehet da midä pietäh Resursukielikeskukses. Joga päiviä lapsile piettih kieliurokkoi Petroskoin valdivonyliopistos. Lapsile opastettih vepsiä, suomie da karjalan kielen kolme murrehtu: liygii, vienua da lyydii. Školaniekat enzimästy kerdua kuunneltih tovellizii luvendoloi, ihan ku yliopistos opastujes.
– Tulin luagerih Leningruadan alovehen Lodienoilpäi. Rubein opastumah vepsän kieldy ei muga ammui kerhos, kudai pietäh školas. Sie vepsiä opastutah eri-igäzet rahvas. Minuu miellyttäy olla luageris Petroskois, täs on äijy piduo da vastavustu, kerdoi Galina. 
Kalevala-eeposan vuvven hantuzis täl kerdua kieliurokkoi omistettih eeposale. Lapset suadih uuttu tieduo “Kalevalan” hengilöis da mielihyväl kižattihgi interaktiivizeh Sampuo eččimäs -kižah...

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat