Vienan Karjala

Kirjutukset vienankarjalakse

Karjalan Rahvahan Liitto jatkau vuozipäivän pidoloi

Eeva-Kaisa Linna da Pekka Vaara annetah kniigulahtat KRL:n piäliköle Aleksander Jeremejevale Liiton 30-vuozipäivän kunnivokse. // Kuva: Ol'ga Smotrova

Ristittyzien tunnustamine, tiedokilvat, uuzi mul’tfil’mu da karjalankielizet pajot oldih ezil Karjalan Rahvahan Liiton vuozipäiväle omistetus illačus mennyt suovattan Petroskoil. Karjalazien suurin liitto mustoittau mierole omas kolmenkymmenvuodehizes ruavos.

Karjalan Rahvahan Liiton kai tämänvuodehizet pivot ollah vuozipäivän čottah. Aivokyly-nimine kul’tuurine illačču oli uudine liiton toimindas. Sie oli kaksi ihan uuttu dieluo: karjalazien histouriele da kul’tuurale omistetut tiedokilvat da karjalankielizen mul’tfil’man enzi-ildu.

Kul’tuurizien aloittehien da rahvahan kanzantaidehen keskukseh, kudamua perembi tiijämmö Rahvahallizien kul’tuuroin keskuksen nimel, kerävyi melgo täyzi zualu Petroskoil eläjiä karjalastu. Nägyvis oldih Liiton kui endizet, mugai uvvet aktivistat. Liiton halličuksen paginanvedäi Aleksandr Jeremejev avai pivon virrallizil azieloil. Enzimäi hyväksyttih Karjalazien Kerähmön Petroskoin deleguatoin halličuksen ehoitetun luvettelon, sit siirryttih persounoin tunnustamizeh. Niilöin keskeh puututtih valdivollizen rajan eri puolis eläjät aktivistat. Suomespäi tulluot karjalansivistysseuralazet yhtyttih viettoh.

Sportuministerstvu on palkinnuh Liiton endizen piälikön Natalja Vorobein kunnivokirjazel kyykän kehitändäs..

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat