Vienan Karjala

Kirjutukset vienankarjalakse

Muumien vierailu Kalevalašša

Karjalaisen Tijaset-päiväkojin kašvatit käytih näyttelyh kašvattajah Svetlana Malikinan kera. // Kuva: Alevtina Lesonen

Šuomen piäkonsulaatin Piiterissä Petroskoin ošašto toi Kalevalatalo-etnokulttuurikeškukšeh Muumitrolli ta häntätähti -näyttelyn, kumpani jo toista kuukautta ilahuttau kuin lapšie, niin ni heijän vanhempie.

Muumitrolli ta häntätähti -näyttely esittäy muajilman kuulusan šuomelaisen kirjailijan Tove Janssonin šarjakuvie.

Omissa kirjoissa Tove Jansson kertou yheštä muumien pereheštä. Tämä huoletoin ta keinokaš pereh eläy omašša talošša Muuminotkošša. Hyö ollah pikkaraiset šalaeläimien näköset olennot. Muumiloilla on valkiet ta pyörykkäiset vartalot, šuuret turvat. Hyö muissutetah virtaheposie.

Tove Janssonin kekšitty muajilma on levie ta monipuolini. Muumitrolli ta häntätähti -šarjakuvat kerrotah lukijalla yheštä tapahtumašta, kumpaseh jouvuttih Muuminotkon eläjät.

Häntätähti lentäy Muuminotkon šuuntah. Muumit jiähäh yksin katastrofin ieššä omien filosofisien ajatukšien kera. Muuminotkon eläjät ei tiijetä, mi tapahtuu, konša häntätähti pačkahtau muaha. Ka täššäki hyö ei jouvuta epätoivoh. Muumitrolli kaverien kera lähtöy eččimäh vaštaukšie tähä kyšymykšeh.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat