Vienan Karjala

Kirjutukset vienankarjalakse

Da mamizen sanaizet piäs…

Kolmen horan konsertu Muamanpäiväkse piettih Anuksen muuzikkuškolas. // Kuva: Margarita Kemppainen, “Oma Mua”

Muamanpäivänny, 24. kylmykuudu, meijän Oma Pajo -hora käi pajattamas Anuksenlinnah. Horas on äijy rahvastu, kudamien juuret ollah Anuksen mual, sendäh tämä matku erähih niškoi oli ylen kallis. “Omas čupus vezigi on magiembi”, sanotah Mägriän karjalazet.

Pajokonsertu piettih Karjalan Rahvahan Liiton Yhtes myö olemmo vägi -projektan mugah. Pivos pajatti kolme pajojoukkuo: anukselazet “Karjalan koivu” da “Terveh, briha!” da petroskoilaine “Oma Pajo”. Muamanpäivänny artistat pajatettih vahnoi da nygyaigazii pajoloi omah randah nähte karjalakse. Kaččojat pajatettih yhtes artistoin kel, toiči kyynälsilmis.

Kolme horua yhtes pajatti kuulužan karjalazen pajon, Priäžän piirin gimnan “Minä mustan”, kudaman on kirjutannuh Aleksandr Saveljev. Tämä pajo on omistettu muamale. Priäžän piirii myöte Petroskoihpäi ajamas meijän hora vie kerran huškai Minä mustan -pajon. Oli hyviä mieldy kävvä omale rannale da pajattua sie omah kieleh.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat