Vienan Karjala

Kirjutukset vienankarjalakse

Karjalaine gorničču avattih Kotkatjärveh

Anuksenlinnan kunnivoittu eläi, kirjuttai da runoilii Zinaida Dubinina da Kotkatjärven kyläkunnan piälikkö Nadežda Rubets avattih Karjalazen gorničan – leikattih ruskien lentazen poikki. // Kuva: Vladlena Paškova, Olonija-lehti

Toivomukset mendih todeh

Gorničču on sijoitannuhes Kotkatjärven kul’tuurutaloih. Gorničan avajazih kul’tuurutaloih kerävyi äijy rahvastu – oli paikallizii eläjii, gostii Petroskois, Anuksenlinnas da Suomespäi, deputuattoi, oligi Anuksen piirin piämies Sergei Prokopjev.

Gorničan avajazis, enne sidä, ku astuo sen sydämeh, Anuksenlinnan kunnivoittu eläi, kirjuttai, kiändäi da runoilii Zinaida Dubinina da Kotkatjärven kyläkunnan piälikkö Nadežda Rubets leikattih ruskien lentazen poikki.

Karjalaine gorničču avattih Kotkatjärveh Vdohnovenije (Innostus)-Alovehellizen Yhteiskunnallizen Ičehalličuksen (ielleh AYI) projektan hantuzis, kuduan todevutti kul’tuurutaloin johtai Marina Simonova.

– Avajazien päivänny gorničču oli täčöitäyzi rahvastu. Petroskoispäi AYI:n projektan avajazih tuli AYI:n assotsiatsien ruadai Natalja Kolokol’nikova. Pruazniekkah tuldihgi suomelazet – molodoit Anna-Liisa da Matti Kaprasalo da Sinikka Saari. Heidy ylen äijäl miellytti pruazniekku, sanoi Kotkatjärven školan karjalan kielen opastai Ol’ga Nikitina.

Kotkatjärven folklourujoukko pajatti kylän gimnan, “Kotkatjärven pruazniekku”, “Taivas on sinine” da toizii kotkatjärveläzen Zinaida Timofejevnan kirjutettuloi libo karjalakse kiännettylöi pajoloi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat