Segežas rodih oma teatru

Ligakuun puolivälis Segežas algavui karjalan kielen da kul’tuuran opastusvuozi. Urokkoi pietäh yhten kerran nedälis – ezmässargiloin. Urokas on kolme ozua – teatru, folklouru, kieli. Jogahine urokan oza kestäy 40 minuuttua. Opastajannu tänävuon on Karjalan Rahvahan Liiton Segežan alaozaston johtai Vladimir Ivanov. Opastusprogrammas ollah vie Kalevala-eepossu, Karjalan literatuuru da histourii.

Täs opastusvuvves pandih rattahile tyttiteatru. Sen kuhkuttajannu on Žanna Serdtsel’ubova. Naine kehitti luadmah tyttiteatrua da hänen idei hyväksyttih. Teatrah niškoi ostettih tyttilöi da kiännettih karjalan kielele suarnu “Puarmu da kozat”. Sen kiännettih kolme hengie, paras kiännös rodih Galina Petrovnal, sidägi käytetäh. Nygöi artistat harjaitellah uuttu spektaklii.

Pluanois on pidiä suomelas-ugrilazen kul’tuuran festivuali 23. talvikuudu...