Vienan Karjala

Kirjutukset vienankarjalakse

Vepsän kul’tursebral – 30 vuottu

Vepsän man vägi -fil’man kuvausjoukko Karjalan tiedokeskuksen Kielen, literatuuran da histourien instituutas. Vepsän kielen tutkii Nina Zaitseva kerdoi vepsän kirjukielen kehitykses. Hurualpäi oigiele: Nina Zaitseva, operuattorat, Vladimir Slavov, Konstan // Kuva: Kuva on otettu vk.com/club178988013

Vepsäläzen kul’tuuruseuran histouriedu da nygyaigua

Vepsäläine kul’tuuruseuru rubei ruadamah syvyskuun 4. päivänny 1989, konzu hyväksyttih yhtistyksen ustuavu. Yhtistyksen alguhpanijoikse roittih kirjuttai Anatolii Petuhov, Karjalan tiedokeskuksen Kielen, literatuuran da histourien instituutan ruadajat Zinaida Strogal’ščikova da Nina Zaitseva, Petroskoin valdivonyliopiston dotsentu Marija Mullonen, Šoutjärven muzein ruadajat R’urik Lonin da Aleksandr Maksimov.

Vepsäläzen kul’tuuruseuran kuhkutukses 1990-luvun allus ruvettih uvvessah kehittämäh vepsän kirjukieldy da luajittih kirjaimikko. Vepsiä ruvettih opastamah školis da Petroskoin valdivonyliopistos, kunne sit perustettih Baltiekkumeren filolougien da kul’tuuran tiedokundu. Vuvves 1993 algajen ruvettih piästämäh ilmoih Kodima-lehtie vepsän kielel.

Yhtistyksen kuhkutukses Karjalan tazavallan da Leningruadan alovehen vepsäläzet pandih Ven’an Loittozen Päivännouzun, Siberin da Pohjazen vähäluguzien kandurahvahien luvetteloh. Vuvvennu 1992, 2002 da 2012 piettih vepsäläzen kul’tuuran vuvvet.

Vuvven 2019 syvyskuus Vepsäläzen kul’tuuruseuran piälikökse rodih Larisa Čirkova. Inehmine on rodivunnuh Petroskoih vepsäläzien pereheh, hänen vahnembat elettih Kalagen kyläs. Vuvvennu 2006 Larisa loppi Petroskoin valdivonyliopiston Baltiekkumeren filolougien da kul’tuuran tiedokunnan. Viijendel kursal opastujes häi rubei ruadamah raadivon kanzalliskielizes toimitukses, kus ruadau nygyaigassah.

– Vepsäläzen kul’tuuruseuran piälikönny olles rubien iellehgi säilyttämäh, kehittämäh da popul’ariziiruimah oman rahvahan kieldy da kul’tuurua. Enämbi kaikkie tahtozin kuhkuttua opastuo kieldy lapsii da nuorii. Pidäy sanuo, ku läs puolet yhtistykseh yhtynyzis ollah nuoret ristittyzet. Kaikkiedah yhtistykses on 30-35 hengie, kuduat aktiivizesti ruatah oman rahvahan hyväkse, sanoi Larisa Čirkova...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat