Vienan Karjala

Kirjutukset vienankarjalakse

Julija Jer’omina: “Armas ruado ei väzytä”

Tänäpäi Petrovskoin horas on nuoremban da vahnemban polven rahvastu, kaikkiedah kaksikymmen hengie. // Kuva: vk.com/public171204910

Petrovskoin hora on vahnimii horii Karjalan tazavallas. Se säilyttäy Karjalan pajokul’tuurua jo enämbän 80 vuottu. Kendjärven kyläs ruadomatkas olles “Oman Muan” toimittajat ei voidu olla pagizuttamattah horan ohjuajua Julija Jer’ominua.

Petrovskoin horan alguvuvvet

Petrovskoin horan alguhpanijannu on Karjalan tazavallan arvostettu ruadai, Ven’an federatiivizen nevvostotazavallan arvostettu artistu Ivan Ivanovič L’ovkin.

– Ivan L’ovkin, konzu opastundan jälles tuli järilleh omah roindukyläh, huaveili pajojoukon luajindua. Hänel oli kolme dovariššua, hyö kerävyttih yhteh da ruvettih pajattamah eri laitoksis, enzimäi Munjärvenlahtes, sit toizis kylisgi, sanou Petrovskoin horan ohjuaju Julija Jer’omina.

Miehet kerävyttih yhteh vuvven 1935 lopus, a jo sulakuun 20. päivänny 1936 oli enzimäine Petrovskoin kolhouzuhoran (silloi horal oli moine nimi) konsertu Munjärvenlahten kul’tuurutalois.

Vuvvennu 1937 horaniekat yhtyttih Karjalan kul’tuuran dekuadah, kudai piettih Leningruadas. Sih aigah horah käydih perehilleh, toiči kaheksin-yheksin hengin yhtes perehespäi. Vuvven 1937 lopus horas pajatti jo enämbi 120 hengie. Silloi oldih horan ruavon parahat aijat.

Perehen dielo

– Minun muamo 1950-luvul, vie školas opastujes, tuli pajattamah Vieljärven horah, sie Ivan L’ovkin huomai händy da potakoičči lähtemäh opastumah muuzikkuopistoh. Muamo lähti kaččomattah sih, ku tahtoi olla liäkärinny. Vuvvennu 1963 opiston loppiettuu muamo tuli Munjärvenlahteh da rodih horan johtajakse, saneli Julija Jer’omina.

Vähästy enne, vuvvennu 1956, Munjärvenlahteh tuli Julijan tuatto Al’bert Kurašov ruadamah horan soittajannu. Horas Al’bert da Galina tuttavuttihgi. Myöhembä Kurašovien molodoloil rodih kaksi lastu – poigu da tytär.

Vuvvennu 1978 pereh muutti Kondupohjah, ga Kurašovien molodoit ei jätetty horua, ainos ajeltih Munjärvenlahteh horan harjaituksih...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat