Vienan Karjala

Kirjutukset vienankarjalakse

Oma kieli on armahin

Joudoaigua Natalija Kruglova tutkiu oman perehen histouriedu da valmistau sugupuudu. // Kuva: Kuva on otettu Natalijan arhiivaspäi

Kendjärvi on sijoitannuhes Kendjärven da Pertjärven välih. Kylä on 25 kilometrin piäs Kondupohjas da 50 kilometrin piäs Petroskoispäi. Kendjärvi on aiga suuri kylä, sie on škola, ambulatourii, kul’tuurutaloi, poštu da kuulužu Ven’al Kivač-kliniekku. Kendjärves da sih kuulujis kylis eläy läs kahtu tuhattu hengie.

Kendjärves lyydin kieldy ei kuulu, sih ei opasteta školasgi. Urokannu lyydii voibi opastuo Anuksen piirin Kuujärven kyläs. Kondupohjan piirishäi karjalua opastetah urokannu vaiku Munjärvenlahten kyläs. Ga sie lapset opastutah karjalan kielen livvin murrehtu. Lyydin kielen kursiloi kaikkih rahvahih pietäh Petroskois.

Rodu vedäy

Natalija Kruglova on rodivunnuh Kendjärveh lyydiläzien Akulovoin pereheh. Naizen tuatto oli rodužin Haljärves, muamo on Munjärvenlahtespäi. Muamo on L’ovkinan rovuspäi, kuulužu Petrovskoin horan alguhpanii Ivan L’ovkin on Natalijan died’oin sevoitar.

– Haljärves seizou meijän rovun kodi, sen emändänny nygöi olen minä. Meijän buabal da died’oil oli 12 lastu da 18 bunukkua. Joga vuottu bunukat perehinneh kävväh Haljärveh Karjalan da Ven’an eri čuppulois da ulgomualpäi. Heidy kuččuu oma randu, kerdoi Natalija Kruglova.

Natalija loppi pedagougukoulledžan, ammattii myöte häi on suomen kielen opastai. Oman muamankieleh –  lyydih Natalija on opastunnuh kursiloil, kuduat pidi Suomes kielentutkii, lyydiläine Miikul Pahomov vuvvennu 2013. Enzimäzel kursal rahvastu opastettih kielioppih, ielleh opastettih pagizemah. Kursat piettih Lyydiläzen Seuran kannatuksel...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat