Vienan Karjala

Kirjutukset vienankarjalakse

Estonsat varustutah Muailman Kongresan vastahotandah

Tulien VIII Suomelas-ugrilazien rahvahien Muailman Kongresan varustujat kerävyttih mennyöl nedälil Piiterih Finlandia-taloih pagizemah, mittuine rodieu Suuri Kongressu, min se tuou ezile.

Heimorahvahien suurin pido pietäh 17.-19. kezäkuudu 2020 Tartu-linnas Estounies uvves ravies talois – Estonsoin Rahvahallizes Muzeis. Kul’tuurine ymbäristö: kieli da mieli – moine on Muailman Kongresan nimi. Kongressah yhtyndy rodieu toven suuri lunnastus jogahizele sinne puuttujale. Varuksis on monipuoline programmu.

Tulii vuozi rodieu hälykäs da merkittävy karjalazil. Kerras on kaksi merkittäviä piduo: Karjalazien kerähmö kevätkuus da sugurahvahien Muailman Kongressu kezäkuus. Karjalazii deleguattoi Kongressah tulou vallita juuri Kerähmön aigah Anukses. Meigävellie kvoutan mugah tulou olla ei enämbiä viittytostu. Kaikkiedah pivon ruadoh yhtyy 215 deleguattua, 23 suomelas-ugrilastu da samojeedurahvastu. Tavan mugah Kongresas roitah pleenumat, temuattizet ozastot, kul’tuuruprogrammu, virrallizet vastahotandat. Kongresan internetsivul suau lugie, ku Suomen, Vengrien prezidentat käetäh tulla. Sulakuus Moskovas pietyn ruadovastavuksen aigah Estounien prezidentu Kersti Kaljulaid kučui Kongresale Ven’an prezidentan Vladimir Putinan.

Karjalaine Natalja Antonova kuuluu Kongresan vallittuloin konsul’tatiivizeh nevvostoh. Häi on vallittu piäpagizijakse Kongresan enzimäzeh ozastoh, kudai koskou suomelas-ugrilazien kielien siirdämisty kazvuajale polvele. Natalja yhtyi tuandoi Piiteris piettyh ruadojoukon vastavukseh.

– Minä rubien varustumah pagizemah suuren mieron ies, kui on tärgei kazvattua kaksikielizii lapsii, ku paiči valdivollistu kieldy hyö tiettäs oman kielen. Sellitän, mittumat ollah vahnembien da valdivon vastuot täs, mittumat probliemat ollah täs dielos nygöi... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat