Vienan Karjala

Kirjutukset vienankarjalakse

Priäžäläine “Melliččy”

Tänäpäi Melliččy-fondas ruadau yheksä hengie. Fondan johtajannu on Jekaterina Jefremova (seizou enzimäine oigielpäi). // Kuva: Kuva on otettu “Melličän” merkipäivän al’boumaspäi.

Rouno ku ni igiä ei ole äijiä, ga nämmis viijes vuvves “Melliččy” on ruadanuh ylen äijän, sen ruadolois tietäh ei vaiku Karjalas, ga Karjalan ulgopuolelgi – meijän muas da ulgomualois, kus fondal on hyviä dovariššua da kunne äijän kerdua “Melličän” nuoret käydih sanelemah omua neruo da omua ruaduo.

Viizi vuottu tagaperin, 28. ligakuudu 2014, pandih rattahile “Melličän” ruado. Tämä päivy on fondan roindupäivänny. Sinäpiän priäžäläzet nuoret piätettih ruadua oman kodirannan hyväkse. Fondan johtajakse rodih tundiettu priäžäläine neidine Jekaterina Jefremova. Hänen ruadolois meigäläzet rahvas tietäh äijän, mulloi Jekaterina Jefremova rodih Vuvven laureatakse Karjalan tazavallas.

Ketbo ollah melliččäläzet da ongo äijy heidy? Ei ole äijiä, fondas ruadau kaikkiedah yheksä hengie. Se ruado, tiettäväine, on yhteiskunnalline da sidä ruatah oman virrallizen ruavon jälles. Melliččäläzet ehtitäh ruadua kai. Yhteh iäneh sanotah, ku fondan ruavot ainos ollah enzisijal da ylen tärgiet heile.

Nämmä “Melličän” nuoret – rohkiet, tolkukkahat, vastuollizet – ei varata ottua iččeh hardieloile suurii da tärgielöi ruadoloi. Oman kodirannan kunnostamine, paikallizien käziruadoloin kehittämmine, Priäžän jiäkur’oin kehittämine, borčansportah kiinnostunuzien nuorien kannattamine, hyvyönluadijat ruavot – nämmä ollah “Melličän” suurimat ruadoalat. Niilöil on todevutettu äijy piendy da suurdu projektua omas piiris da tazavallan tazol...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat