Vienan Karjala

Kirjutukset vienankarjalakse

Nuori, ga rikas. Čalnan školale – 70 vuottu

Čalnan škola kuuluu Kanzallizeh luvetteloh “Ven’an parahat opastundulaitokset-2014”. // Kuva: Elina Potapova, “Oma Mua”

Škola Čalnan kyläh avattih Suuren Ižänmuallizen voinan jälles vuvvennu 1949. Silloi se oli sijoitannuhes yksikerroksizeh puuhizeh taloih. Nygöi škola on suures kirpiččytalois, sie opastuu 390 lastu. Škola on kylän kul’tuurukeskuksennu.

Školan histouriedu da nygyaigua

Enzimäzes opastunduvuvves 1949 školas opastui 142 lastu. Laitoksen enzimäzenny piälikönny oli Jekaterina Moisejevna Tolpa. Vuvvennu 1951 škola rodih seiččievuodehizekse, vuvvennu 1953 – keskiškolakse. Vuvvennu 1957 školah niškoi nostettih kaksikerroksine puuhine taloi. Nygyaigazes kolmekerroksizes talois škola rubei ruadamah vuvves 1972 algajen.

Nygöi školas opastuu 390 hengie, kudualois 209 opastuu alguškolas. Sada kaksi lastu tulou Čalnah lähikylispäi – Viidanas, Puaddärves, Villamäis, Kutižmas... Tulolazien lapsien periä urokat alletah myöhembi – 9.00 aigua.

Vuvves 2016 algajen školan johtajannu on Irina Leonidovna Danilova, pedagougiellizien tiedoloin kandiduattu, Ven’an opastundualan kunnivoittu ruadai. Naine on rodužin Čalnaspäi, siegi školan loppi.

– Meijän školan eričyksii on se, ku sie ainos opastettih suomen kieldy. Nygöi suomen kieldy elektiivizennu kursannu opastuu 47 hengie. Sidä paiči piimmö urokkoi Karjalah rahvahah da kul’tuurah nähte, alguškolas – Minun Karjala -kursu, sit – Karjalan histourii, kerdou školan piälikkö Irina Leonidovna...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat