Vienan Karjala

Kirjutukset vienankarjalakse

Karjalan tazavallas juattih valdivollizet palkičukset

Karjalan tazavallan piämies Artur Parfenčikov da medalin suannuh Tatjana Klejerova.

– Palkičuksen juandu on tazavallan piälikön parahii ruadoloi vuvven lopus. Se on hyvä mahto kiittiä ristittyzii, kudamat ruatah Karjalan tazavallan eläjien hyväkse. Jogahizes teis da teijän ruadodovarišois riippuu meijän eläjien tervehys, turvalližus, eloksen tazo da tulii aigu, sanoi Karjalan tazavallan piämies Artur Parfenčikov. 

Korgevimat palkičukset tänävuon suadih Bojevoje bogatstvo – Vena’n veteruanoin liiton Karjalan ozaston nevvoston piälikön enzimäine sijahine Anatolii Roždestvin. Mies on suannuh Arvoruadolois ižänmuan hyväkse -medalin ordenan.

Ven’an kunnivoittu liäkäri -arvonimen suadih V.A. Baranovan nimizen tazavallan bol’ničan ozastoloin piäliköt Aleksandr Zujev da Vladimir Jurovitskii da liäkäri Nadežda Tatarko. Omien ruado-aloin kunnivoittuloikse ruadajikse roittihes Kižin muzein ruadai Svetlana Vorobjova da AЭM-tehnolougiet -laitoksen Petroskoin ozaston ruadai Gennadii Muše.

Ven’an prezidentan kunnivogruamotan sai Ven’an Tiedoakadeemien Karjalan tiedokeskuksen laboratourien piälikkö Aleksandr Slabunov. Ven’an prezidentan kiitändykirjazen on suannuh Karjalan Muuzikkuteatran piälimäine hormeisteru Aleksandr Zorin.

Palkittuloin rahvahien joukos on VIII Karjalazien Vallittuloin kerähmön nevvoston piälikkö, Karjalan kul’tuurualan kunnivoittu ruadai Tatjana Klejerova. Naine on suannuh medalin “Arvoruadolois karjalan tazavallan hyväkse”...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat