Vienan Karjala

Kirjutukset vienankarjalakse

Kyläläzet aktivistat

Priäžäläzet projektoin todevuttajat yhtes Melliččy-fondan neidizienke jälles lykykästy Hyvyönluadijoin kruugua // Kuva: Kuva on otettu Melliččy-fondan al’boumaspäi vk.com/melnikpryazha.

Algu Hyvyönluadijoin kruugoile Melliččy-fondu pani vie mulloi Priäžäs. Silloi yhtes ehtäs illačun tabah luajitus pivos oli kerätty dengua kolmeh priäžäläzien projektah. Nämmien projektoin aigah kyläh sai luadie čoma puus vestetty tiijoituslaudu, Kul’tuurutaloin kezäine pihalava da kunnostua lapsien konsul’tatsien jaksavustilat da luadie niilöih eriluadustu seinyelostustu lapsile.

Tänävuon Melliččy-fondu lähti kierdämäh Priäžän piirii. Kezän aigua seiččemes karjalazes kyläs fondu pidi Hyvyönluadijoin kruugat. Tädä ruaduo sai ruadua “Melličän” suuren Luottamuksen ruadiussu -projektan aigua. Varua projektan todevuttamizekse “Melličän” nuoret suadih Prezidentan kannatusfondas. 

Joga kyläs Hyvyönluadijoin kruugan aigah oli kannatettu kyläläzien kolme projektua. Iče kyläläzet kirjutettih net da iče sit todevutettih. Enimälleh kannatettihgi. Tänäpäi voibi sanuo, ku ruavot on loppiettu da niilöin tulokset ollah nägyvis.

Joga projektas rahvas – ruadajat da innostunnuot – ruattih oman kodirannan hyväkse, sen kunnostamizekse da parandamizekse. Priäžän Hyvyönluadii kruugu oli kaikis enzimäine dai vikse projektoin todevuttajil sai enne toizii loppie omat ruavot.

Midä tänävuon priäžäläzet ruattih oman kylän hyväkse? Enzikse, luajittih uvvet tiijoituslaudazet da uvvistettih endizet kyläs. Tämän projektan todevuttajannu oli Sofja Iljutkina, Priäžän etnokeskuksen ruadai da Melliččy-fondah kuului. “Hos elämmö Internetan aigua, ga puaksuh rahvas, semmite vahnembua polvie, ei tietä, midä tapahtuu kyläs”, lujoitti Sofja omua projektua puolistajes. Ei ni jogatoine penziel olii puaksuh kävy kylän keskuččah, kus tiijoituslaudazii olisgi. Tänäpäi uvvet da čomat tiijoituslaudazet – niidy on nelli – ollah kylän joga čuras...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat