Vienan Karjala

Kirjutukset vienankarjalakse

Orboikse tulluh randu

Ozuttelun avajazih yhtyi Aleksandr Nevskoin kafedrualizen kirikön piälikkö protoijerei Ioann. // Kuva: Elina Potapova, “Oma Mua”.

Karjalan kanzallizeh kirjastoh 7. tuhukuudu avattih Orboikse tulluh randu -ozuttelu, kudai omistettih Uspen’n’an kirikön mustole.

Karjalas on äijy čomua puuhistu arhitektuurua: suuret taloit, kiriköt... Puuhizen arhitektuuran mustopaččahannu oligi kuulužu Uspen’n’an kirikkö, kudai hävitettih kezäl 2018.

Uspen’n’an kirikkyö sanottih ven’alazen puuarhitektuuran “jouččenen pajokse”. Kirikkö oli sijoitannuhes endizeh Kondupohjan kyläh, (myöhembi Kondupohjan linnan Kondopožskaja-pihal. Kirikkö oli nostettu pienele niemele, kudai syvendyy Onieganjärven Čupa-lahteh. Kirikkö nostettih vuvvennu 1774. Se oli Ven’an Pohjazen korgevimii puuhizii kirikkölöi, sen korgevus oli 42 metrii.

Kuvien ozuttelu, kudai omistettih Uspen’n’an kiriköle, valmistettih Karjalan taidoilijoin nevvoston kehoituksen mugah. Ozutteluh on pandu kačottavakse Karjalan kuulužien taidoilijoin Vladimir Lobanovan, Valentin Čekmasovan, Boris Akbulatovan, Valerii Košelevan, Vladimir Balandinan, Aleksandr Kaštanovan, Oleg Juntuzen, Badri Topurijan da Nelli Grigorjevan kuvua.

Kuvien joukos ongi ei-ammatillizen taidoilijan Anna Gluškovan ruado. Naine äijän vuottu ruadoi ekskursienvedäjänny da puaksuh ozutti Uspen’n’an kirikkyö turistoile...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat