Vienan Karjala

Kirjutukset vienankarjalakse

Oman sugupezän kuva spektalkin ozakse

// Kuva: Kuva on otettu karjalan kanzallizes arhiivas.

Karjalan Kanzalline teatru pani rattahile Rodovoje gnezdo (Sugupezä) -aktsien.

Tänäpäi Karjalan kanzallizes teatras varustetah uuttu spektaklii Seppo Kantervon Perijuurilla-ozutelman mugah. Spektaklin enzi-ildu rodieu tänävuon oraskuus. Teatru kuččuu rahvastu tuomah vahnoi fotokuvii uudeh spektaklih niškoi.

Spektaklin ohjuajan Sergei Proninan mieles, rahvahal on hyvä mahto yhtyö spektaklin valmistamizeh työndämäl oma perehkuva, oman perehen vahnan koin kuva. Sen vuoh akt’ourat da kaččojat roitah yhtes da ruvetah parembi ellendämäh toine tostu.

Spektaklin tapahtumukohtu on rajakarjalan Krasnaja Gora -huutoru. Enne voinua sidä kohtua sanottih Karjalanpezäkse. Voinan aigua koin ižändät jätettih oman koin da pajettih Suomeh. Nygöi kodi on ylen pahas kunnos. Koin ižändy käski omale bunukale oman kuolendan jälles andua hänen suitetut den’gat perehele, kudai eläy heijän kois, heijän suvun pezäs, ku niilöih den’goih koin ižändät pandas kundoh kodi. Bunukku tulou Ven’ale täyttämäh died’oin käskyy. Vaiku paikallizet eläjät da virguniekat ei uskota, ku den’gat annetah muite vai koin kohendamizeh…

Rahvahan tuodulois kuvis teatran ruadajat vallitah pädijät da pannah net kačottavakse teatran foijeeh. Kuvis voibi olla kodoilu, omahizet – muamat da tuatat, died’oit da pruavodied’oit da toizet rodn’at. Kuvat, kudamii rahvas pietäh ruokos da siirretäh polves polveh, voijah tulla spektaklin ozakse. 

Kuvat voibi työndiä sähköpoštale national-theatre@yandex.ru sulakuun 1. päivässäh 2019. Kirjazeh pangua merki “Родовое гонездо” da kirjutakkua paikku, kus oli otettu kuva da kuvas olijoin ristikanzoin nimet da sugunimet. Kirjuta oma telefon.

Ližiä tieduo telefonas 78-22-44.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat