Vienan Karjala

Kirjutukset vienankarjalakse

Midä panetto tahtahah da syväimeh ‒ sengi syöttö

Petroskoin Marjaine-päivykoin ruadai, lapsienkazvattai Alla Gubareva opastau lapsii pastamah šipainiekkoi. Vuozi 2006. // Kuva: Margarita Kemppainen, “Oma Mua”

Ei ammui minun luo tuli tuttavu da toi kaksi karjalastu piiraidu. Net oldih pyöryžät šipainiekat. Sanoi:

‒ Sinä suvaičet kartohkupiiraidu, rubiemmo čuajuu juomah.

Minä vastain:

‒ Miksebo sinä minul toit nengomat piiruat? Minä iče suvaičen pastua kartohkupiiraidu.

Lämmitin net piiruat mikropäčis da rubeimmo čuajuu juomah.

A voi-voi! Tämä kačo oli piirai: kuoret sangiet, kovat, kartohkusyväimeh eihäi ole ni jäiččästy pandu, eigo maiduo. Kyzyin:

‒ Kusbo sinä otit nämmä piiruat?

Häi vastai:

‒ Ostin tulles.

Sanoin:

‒ Kenbo nenga pastoi? Älä velli nikonzu enämbiä osta nengomua piiraidu. Gu rubiet pastamah da myömäh, pasta velli putillistu piiraidu. Älä riko syömizii.

Meidy jo pienenny muamat opastettih pastamah piiraidu. Joga pyhiäpäiviä huondestu myöte värtinäzet viuhkettih. Piiruat pidi pastua aijoi huondeksel syödäväkse. Eihäi puoleh päivässäh mužikat ruveta maguamah, onhäi äijy ruaduo kois...

 

Šipainiekat

Tahtas:

1 stokan kefiirua

2 suurdu luzikkua kannatestu

1 suuri luzikku argivoidu

0,5 piendy luzikkua suolua

1 stokan nižujauhuo

2 stokanua ruisjauhuo

 

Kartohkusyväin:

Keitettyy kartohkua

maiduo

voidu

suolua

 

Voije:

Jäiččy

Kannatestu

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat