Vienan Karjala

Kirjutukset vienankarjalakse

Priäžän rajonan rahvas ollah sen helmet

Kolme Priäžän piirin ristikanzua puututtih laureatoin listoil juuri omas ruavos karjalazen kul’tuuran hyväkse. Pyhärveläzet P’otr Šombin (enzimäine hurual) da Tatjana Nikitina (nelläs oigiel), vieljärveläine Natalja Antonova – enzimäine oigiel. // Kuva: Meijän elaigu -lehtitoimitus

Priäžän agjan karjalazet aktivistat puututtuh vuvven 2018 laureatoin listoil. Se on yhteiskunnalline palkindo, piirin tazol juattavu.

Karjalan tazavallan sadavuodehizil, tulien vuon Priäžän kanzalline kunnalline piiri täyttäy yheksäkymmen vuottu. Joga vuottu piipris pietäh sen roindupäiviä, kudamakse vallitah vuvven laureatat da juatah palkindot. Tänävuon yheksä piiris eläijiä suadih moizet. Niilöin keskes ollah opastajat, lapsienkazvattajat, kirjastoloin ruadajat, laitoksien johtajat, liittoloin aktivistat dai muite net rahvas, kudamat kehitetäh omii kylii da elaigua.

Kolme ristikanzua ollah merkityt juuri omas panokses karjalazen kul’tuuran kehitändäs. Eräs niilöis on meijän omamualaine, Karjalan Kielen Koin ruadai Natalja Antonova Vieljärvelpäi. Händy mainittih kielipezän työnyttäjänny da nygyaigazien projektoin todevuttajannu. Kaksi ristikanzua on vallittu Pyhärven čupulpäi. Penzielolijua P’otr Šombinua roinduneruo myöte tietäh muzikantannu, kodirannan histourien tiedäjänny da biblien kiändäjänny. Pyhärven kluuban ylen ammuine johtai Tatjana Nikitina luadi sen hyvyön, ku pani allun kylän karjalazen kul’tuuran da histourien muzeile. Häi jo nellikymmen vuottu akkiloiččou Pyhärven čuppuu da tavoittau pidiä rahvastu hyväs sovus pidäjen yhteskunnallistu toimindua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat