Vienan Karjala

Kirjutukset vienankarjalakse

Karjalan Kielen Kodi ruadau loittuopäi

“Opastammo lastu karjalan kieleh” on Karjalan Kielen Koin kehitetty kursu, kudamua pidäy Natalja Antonova sulakuun-oraskuun aijan internetan kauti, zoom-laval. Kursu kestäy kaheksa čuassuu: nelli čuassuu ollah luvendot da nelli čuassuu kodiruadoloi.

Koronaviirus da senperäinen karantiinan aigu livutti online-ruaduo Karjalan kylisgi. Karjalan Kielen Kodi -yhtymys Vieljärvel jatkau omua ruaduo loittuopäi kui Koin alallizien ruadajien da liittoh kuulujien keskes, mugai mieronke muijalpäi.
KKK:n paginanvedäi Ol’ga Gokkojevan viettäy karantiinua omassah kylässäh Kinnermäl. Häi joga päiviä ihan lujah jatkau yhtymyksen ruandua internetas da auttau nevvoloil vie toiziigi rahvahii. Koin palkatut ruadajat kerran nedälis vastavutah online da paistah omis ruadolois. Kursoin piendy zoom-laval rodih uudizennu KKK:n toimindas, enne sidä ei harjaiteltu. Täkse aigua zooman kauti pietäh kolmie kursua: karjalan kieldy školaniekoile, karjalan kieldy suomenpuolizele da “Opastammo lastu karjalan kieleh”.
– Nygöi meijän kerhot ei ruata, eigo kielipezä. Ku aiguhizet vie voimmo ruadua loittuopäi, kielipezän ruaduo on žiäli. Varuammo, ku lapsil karjalan kieli unohtuu aijakse. Tavoitammo kehittiä omaničen ruadoneroloi, sehäi olis ruadolois suuri vuitti. Myö saimmo Kinnermäh hyvän internetan, ga Vieljärvel puaksuh sammutellah tuldu, se rikkuou ruadoloi, sanelou Ol’ga Gokkojeva.
KKK:n emändy Nina Barmina pidäy zoomas karjalan kielen kursua kymmenele suomenkielizile. Hyö eletäh kaikin ymbäri Suomie, yksi Londonas. Vie Nina Petrovna opastau kieldy Vieljärven škalaniekoile. Metodistu Natalja Antonova pidäy kursua vahnembih da lapsienkazvattajih niškoih sih näh, kui harjaittua da opastua piendy lastu karjalan kieleh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat