Vienan Karjala

Kirjutukset vienankarjalakse

Vienalaine lyydiläzien keskes

Piäjärveläine Zoja Sorokina eläy Kendärves, pagizou vinankarjalakse, kaččou da kuundelou uudizii karjalan kielel, lugou Oma Mua -lehtie da kižuau kyykkäh. // Kuva: Ol'ga Smotrova

Kendärvi on lyydiläine kylä. Vaiku nygöi sie harvah kuuluu karjalan kieli. Yhtelläh Kendärven školas pietäh karjalan kielen kerhuo. Kendärveh puuttuhuu enzimäzeske vastaimmo Zoja Sorokinan P’at’oročka-laukan luo, häi oli lähtemäs duačale. Zoja Manuilovna on rodužin Piäjärven kyläspäi, ruadoh Kendärveh händy työttih mediekkuopiston loppiettuu.
– Minä mindäh muga myöhä lähten duačale, minä kačon uudizii karjalan kielel, sellitti naine.
Zoja Sorokinan enzimäine sugunimi on Kundoz’orova.
– Olen rodužin siepäi, kuspäi kai Kundoz’oravat ollah. Kunttijärven čupus, ket elettih. Järven nimes rodih sugunimigi, sanoi Zoja Sorokina.
Enzimäzeh kluassah Zoja Sorokina lähti Niskan kyläs, kus enne eli, ven’an kieldy ei maltanuh. Piäjärvi nostettih myöhembä, kunne muutti äijy rahvastu pienis lähikylispäi.
– Vuvvennu 1973 minun veikki ajelutti Suomen prezidentua Urho Kaleva Kekkostu sigäläzii kohtii myöte, ečittih, kunne nostua Piäjärven kylä. Nedälin ečittih, dai vallittih hyvä kohtu. Piäjärvie nostettih 1975-1976-vuozinnu, kylä oli rikas, lespromhouzu oli, dai koit moizet lujat. Silloi kai minun omahizet Piäjärveh muutettih, a veikki jo kuoli, saneli Zoja Sorokina.  
Naine paheksiu, ku nygöi ei ole kenenke paista karjalakse. Kymmene vuottu tagaperin kuoli muamah, nygöi vaiku Piäjärves eläjän sizärenke voibi paista telefonas...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat